كەشە تاڭەرتەڭ قازاقستاندىقتاردىڭ ۇيالى بايلانىسىنىڭ ىستەمەي قالۋىن بيلىك ءتۇسىندىرىپ بەردى دەپ حابارلايدى Qamshy.kz اقپارات اگەنتتىگى Sputnik قازاقستان سايتىنا سىلتەمە جاساپ.
نۇر-سۇلتان قالاسىنىڭ تۇرعىنى Sputnik قازاقستان تىلشىسىنە تاڭعى ساعات جەتىدە ۇيالى بايلانىستىڭ جوقتىعىن بايقاعانىن ايتتى.
"مەن قوڭىراۋ شالعىم كەلگەندە ەكراندا "تەلەفون تىركەلمەگەن" دەگەن جازۋ شىقتى. ءموبيلدى ينتەرنەت تە ىستەمەدى. ءبىراز ۋاقىت وتكەننەن كەيىن "جەكە سايكەستەندىرگىش نومەرىڭدى جىبەر" دەگەن sms كەلدى. مەن حابارلاما جىبەرگەن سوڭ بايلانىس قايتا پايدا بولدى"، - دەپ اڭگىمەلەدى ول.
ەلوردا تۇرعىنى ۇيالى تەلەفوندى بيىل ساتىپ الىنعانىن جانە ونىڭ تىركەلمەگەنىن راستادى.
قازاقستاننىڭ سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگىنىڭ تەلەكوممۋنيكاسيا كوميتەتى بيىلعى جىلى 1 قاڭتاردا ابونەنتتىك قۇرىلعىلاردى تىركەۋ پروسەسى اياقتالعانىن ايتتى. ەگەر ازامات تەلەفونىن وسى ۋاقىتتان كەيىن ساتىپ الىپ، ءالى كۇنگە دەيىن تىركەمەسە، وندا تىركەلۋ قاجەت. ول ءۇشىن sms جىبەرۋ نەمەسە بايلانىس وپەراتورىنان كومەك سۇراۋ كەرەك.
"سوڭعى كۇندەرى ءبىزدىڭ ۆەدومستۆوعا تەلەفون نومىرلەرىنىڭ سوندىرىلۋىنە بايلانىستى شاعىمداناتىندار كوبەيدى. وسىعان وراي، ازاماتتار ارنايى ازىرلەنگەن سەرۆيس ارقىلى ءوز اتتارىنا قانشا ءنومىر تىركەلگەنىن انىقتاي الاتىنىن ەسكە سالامىز. پايدالانۋشىلار ءوز كەلىسىمىنسىز اتتارىنا تىركەلگەن نومىرلەردى انىقتاعان جاعدايدا بايلانىس وپەراتورىنا بارىپ، ولاردى سوندىرۋگە كەڭەس بەرەمىز. سەبەبى ءنومىردى پايدالانۋ ءۇشىن جاۋاپكەرشىلىك ولاردىڭ يەلەرىنىڭ موينىندا بولادى"، - دەدى تەلەكوممۋنيكاسيا كوميتەتىنىڭ ءتوراعاسى ۆيتاليي ياروشەنكو.
بۇعان قوسا، ۆەدومستۆو تىركەۋ جۇرگىزۋ ۇيالى تەلەفون ۇرلىعىمەن جانە الاياقتىقپەن كۇرەستە اسا ماڭىزدى ەكەنىن ايتتى.
"جەكە سايكەستەندىرگىش نومىرىڭىزبەن بايلانىستى اپپارات ءوز اتىڭىزعا تىركەلگەن SIM-كارتالارمەن عانا جۇمىس ىستەيدى. اپپارات باسقا SIM-كارتالارمەن ىستەمەيدى"، - دەپ ءتۇسىندىردى ياروشەنكو.
سونداي-اق، ۇيالى بايلانىس وپەراتورلارى قۇرىلعىنى *660*3# ءنومىرىن تەرۋ ارقىلى قايتا تىركەۋگە بولاتىنىن حابارلايدى.
پىكىر قالدىرۋ