ارمەنيا، قىرعىزستان، رەسەي كولىكتەرىن 1 قاڭتاردان باستاپ تۇراقتى تىركەۋگە قويۋ مىندەتتەلۋى مۇمكىن دەپ حابارلايدى Qamshy.kz اقپارات اگەنتتىگى قازاق راديوسى سايتىنا سىلتەمە جاساپ.
ءقازىر كولىك سالاسىنداعى زاڭناماعا وزگەرىستەر مەن تولىقتىرۋ ەنگىزۋ جۇمىسى قولعا الىنعان. بۇل تۋرالى قازاق راديولارىنىڭ جاڭالىقتار قىزمەتى حابارلادى. كولىك تاسىمالى تۋرالى زاڭعا وزگەرىستەر مەن تولىقتىرۋلار ەنگىزۋدى قولعا العان دەپۋتاتتاردىڭ ءبىرى پاۆەل كازانسيەۆ كەدەرگىلەردىڭ بارلىعى جويىلدى، ەندى بۇل ماسەلەنى رەتتەۋگە بولادى دەگەن پىكىر ايتقان. ايتا كەتۋ كەرەك، ءبىر توپ ءماجىلىس دەپۋتاتى بۇل ماسەلەنى بۇعان دەيىن دە رەتتەمەك بولعان. اتاپ ايتساق، جىل باسىندا «كولىك تاسىمالى تۋرالى» زاڭعا وزگەرىستەر مەن توقىتىرۋلار ەنگىزىلددى. الايدا ول كەزدە شەتەلدەن كەلەتىن كولىكتەرگە قاتىستى نورمادا دەپۋتاتتار مەن مەملەكەتتىك ورگاندار ورتاق ۇستانىمعا كەلە الماعان.
«ول كەزدە بىزدە كۇش-قۇرىلىم ورگاندارى مەن مەملەكەتتىك مەكەمەلەردىڭ جانە ارنايى قىزمەتتەردىڭ بازاسىن سايكەستەندىرۋ مۇمكىندىگى بولمادى. ءقازىر بۇل ماسەلە شەشىلدى، ياعني بازا سايكەستەندىرىلدى. ەندى ءبىز سىرتتان زاڭدى تۇردە كولىك الىپ كەلىپ جۇرگەن ازاماتتاردىڭ قۇقىعىن بۇزباستان جاڭا ءتارتىپتى اقىرىنداپ ەنگىزە الامىز»،- دەيدى دەپۋتات پاۆەل كازانسيەۆ.
پارلامەنت ءماجىلىسى دەپۋتاتىنىڭ ايتۋىنشا ەلگە كىرگەن شەتەلدىك كولىكتەردى مىندەتتى تىركەۋدىڭ مەرزىمى 10 كۇن بولىپ بەكۋى مۇمكىن. وسى جانە وزگە دە جاڭاشىلدىقتار زاڭعا بيىل ەنەدى دەپ جوسپارلانعان. دەمەك 1 قاڭتاردان باستاپ شەتەلدىك كولىكتەرگە قاتىستى ناقتى قۇقىقتىق تەتىكتەر جۇمىس ىستەي باستايدى.
«بۇعان دەيىن تالقىعا تۇسكەن نورمالاردىڭ مازمۇنى ازداپ وزگەردى. قاراشا ايىندا زاڭعا وزگەرىس ەنگىزۋ باستاماسىن كوتەرەمىز. ولار قابىلدانسا 1 قاڭتاردان باستاپ كۇشىنە ەنەدى. ول بويىنشا تىركەۋ بىردەن جۇزەگە اسادى، ياعني كەلگەن كولىك قۇقىقتىق تۇرعىدان رەتتەلەدى. ال تۇراقتى تىركەۋ 10 كۇننىڭ ىشىندە راسىمدەلۋى كەرەك دەگەن باستاما تالقىلانۋدا. ءبىراق مۇنىڭ بارلىعى ازىرگە تالقىلانىپ جاتقان ماسەلەلەر»،-دەيدى پاۆەل كازانسيەۆ.
پىكىر قالدىرۋ