سوت ەكس پرەمەر-مينيستردىڭ مەرزىمىنەن بۇرىن شارتتى تۇردە بوساتۋ تۋرالى ءوتىنىشىن قابىلدامادى، – دەپ Qamshy.kz اقپارات اگەنتتىگى حابارلايدى.

"سوت سوتتالعان احمەتوۆ سەرىك نىعمەت ۇلىنىڭ شارتتى تۇردە مەرزىمىنەن بۇرىن بوساتۋ جانە مەملەكەتتىك ورگانداردا قىزمەت اتقارۋ قۇقىعىنان ايىرۋ تۇرىندەگى قوسىمشا جازانى وتەۋدەن باس تارتۋ تۋرالى ءوتىنىشىن قاناعاتتاندىرۋ تۋرالى شەشىم قابىلدادى"، – دەلىنگەن قازىبەك بي اۋداندىق سوتىنىڭ شەشىمىندە.

بۇرىن بەلگىلى بولعانداي، بوستاندىق پەن شارتتى تۇردە مەرزىمىنەن بۇرىن بوساتۋدى شەكتەۋدى الىپ تاستاعاننان كەيىن ادۆوكات احمەتوۆتەن مەملەكەتتىك قىزمەتتەگى لاۋازىمداردى اتقارۋ قۇقىعىنان ايىرۋ تۇرىندەگى قوسىمشا جازانى الىپ تاستاۋ مۇمكىندىگىن قاراستىرۋدى سۇرادى.

ال، پروكۋراتۋرا وكىلى ءوتىنىشتى قاناعاتتاندىرۋعا قارسى بولدى.

ەسكە سالساق، ەكس پرەمەر-مينيستر س.احمەتوۆ مۇلكى تاركىلەنىپ، ون جىلعا باس بوستاندىعىنان ايىرىلدى.

سونداي-اق 2،2 ميلليارد تەڭگە كولەمىندە وتەماقى تولەگەننەن كەيىن سوت سوتتالۋشىنىڭ جازاسىن ون جىلدان سەگىز جىلعا دەيىن قىسقارتتى. ال 2017 جىلدىڭ قاڭتارىندا راقىمشىلىق جاساۋ نەگىزىندە سەرىك احمەتوۆتىڭ مەرزىمى قىسقارتىلىپ، 2017 جىلدىڭ قىركۇيەگىندە ول كولونيادان شىقتى.

2018 جىلدىڭ مامىرىندا س.احمەتوۆ قاراعاندى ​​سوتىنان بوستاندىقتى شەكتەۋدى ايىپپۇلمەن الماستىرۋدى سۇرادى، ءبىراق كەيىننەن ول ارىزىن كەرى قايتارىپ الدى.