ق ر پرەمەر-مينيسترى اسقار مامين مەن رف ۇكىمەتىنىڭ باسشىسى دميتريي مەدۆەديەۆ ساۋدا-ەكونوميكالىق جانە ينۆەستيسيالىق ىنتىماقتاستىق پەرسپەكتيۆالارىن تالقىلادى، – دەپ Qamshy.kz اقپارات اگەنتتىگى حابارلايدى
پرەمەر-مينيستر اسقار مامين ماسكەۋگە ساپارى بارىسىندا تمد ۇكىمەت باسشىلارى كەڭەسى مەن ەۋرازيالىق ۇكىمەتارالىق كەڭەستىڭ وتىرىستارىنا قاتىستى، ەكونوميكالىق ينتەگراسيانىڭ وزەكتى ماسەلەلەرىن شەشۋ بويىنشا ءبىرقاتار باستامالار ۇسىندى.
تمد ەلدەرىنىڭ بۇۇ-نىڭ شاعىن قۇرامداعى وتىرىسىندا قازاقستان پرەمەر-مينيسترى ساۋدا ىنتىماقتاستىعىن ودان ءارى نىعايتۋ، «جاڭا ءوسۋ نۇكتەلەرىن» ىزدەۋ جانە دوستاستىق شەڭبەرىندەگى ينۆەستيسيالىق كاپيتالدى تارتۋدىڭ بەلسەندى پوزيسياسىن دامىتۋ قاجەتتىلىگىنە نازار اۋداردى.
ۇكىمەت باسشىسى استانا حالىقارالىق قارجى ورتالىعىنىڭ مۇمكىندىكتەرىن قولدانا وتىرىپ، الدىڭعى قاتارلى تاجىريبەمەن الماسۋ جانە قارجىلىق قىزمەتتەردى ءوزارا ۇسىنۋ بويىنشا جۇمىستى جانداندىرۋ ءۇشىن تمد ەلدەرىنىڭ ينۆەستيسيالىق ستراتەگياسىن ازىرلەۋدى ۇسىندى.
پرەمەر-مينيستر تمد شەڭبەرىندەگى قىزمەتتەرمەن ەركىن ساۋدا تۋرالى كەلىسىم جوباسىن كەلىسۋ بويىنشا جۇمىستى جەدەلدەتۋدىڭ ماڭىزدىلىعىن اتاپ ءوتتى. سونداي-اق تمد ەلدەرىنىڭ 2025 جىلعا دەيىنگى وندىرىستىك كووپەراسياسىن دامىتۋدىڭ جاڭا باعدارلاماسىن ازىرلەۋ تۋرالى باستاما كوتەردى.
تمد كەڭەسى جۇمىسىنىڭ ناتيجەلەرى بويىنشا تار جانە كەڭەيتىلگەن قۇرامدا ءبىرقاتار قۇجاتتار قابىلداندى. ونىڭ ىشىندە تمد-عا قاتىسۋشى مەملەكەتتەردىڭ قوعامنىڭ ساندىق دامۋى سالاسىنداعى ىنتىماقتاستىق تۇجىرىمداماسى جانە ونى جۇزەگە اسىرۋداعى باسىم شارالار جوسپارى، تمد-عا قاتىسۋشى مەملەكەتتەردىڭ اقپاراتتىق قاۋىپسىزدىگىن قامتاماسىز ەتۋ ستراتەگياسى ەندى.
پىكىر قالدىرۋ