تارباعاتاي اۋدانىندا ەلباسى نۇرسۇلتان نازاربايەۆتىڭ تاپسىرماسى بويىنشا كوپبالالى انالار مەن الەۋمەتتىك ءالجۋاز توپتاردى قولداۋ شارالارىنا باسا نازار اۋدارىلۋدا. بۇل تۋرالى ايماقتىق كوممۋنيكاسيالار قىزمەتىندە وتكەن بريفينگتە اۋدان اكىمى سەرىكقازى سادۆاقاسوۆ ءمالىم ەتتى.

– اعىمداعى جىلدىڭ قىركۇيەك ايىنا دەيىن 1 952 وتباسىعا اتاۋلى الەۋمەتتىك كومەك تاعايىندالدى. وسى ماقساتتا 485 ملن 647 مىڭ تەڭگە قاراستىرىلدى، – دەدى اۋدان اكىمى.

ايتا كەتەيىك، بيىل اتاۋلى الەۋمەتتىك كومەككە رەسپۋبليكالىق بيۋدجەتتەن 902 ملن 624 مىڭ تەڭگە، جەرگىلىكتى بيۋدجەتتەن 120 ملن تەڭگە، جيىنى: 1 ملرد 022 ملن 624 مىڭ تەڭگە ءبولىنىپ، 535 ملن 645 مىڭ 200 تەڭگەسى يگەرىلىپ، 52،3 %-دى قۇراپ وتىر.

– اعىمداعى جىلدىڭ 8 ايىندا از قامتىلعان، الەۋمەتتىك كومەككە اسا مۇقتاج ازاماتتارعا ءبىرجولعى ماتەريالدىق كومەك بەرۋ باعدارلاماسى بويىنشا 51 ادامعا – 2 ملن 469،0 مىڭ تەڭگە بەرىلدى، – دەدى سەرىكقازى سادۆاقاسوۆ.