اعىمداعى جىل سوڭىنا دەيىن تارباعاتاي اۋدانىندا «باستاۋ بيزنەس» باعدارلاماسى بويىنشا 153 ادام كاسىپكەرلىك نەگىزدەرىن وقيتىن بولادى. بۇل تۋرالى ايماقتىق كوممۋنيكاسيالار قىزمەتىندە وتكەن بريفينگتە اۋدان اكىمى سەرىكقازى سادۆاقاسوۆ ءمالىم ەتتى.

– «ەڭبەك» باعدارلاماسى شەڭبەرىندە جوسپار بويىنشا 56 ادامعا مەملەكەتتىك گرانت تاعايىندالدى. سونداي-اق 14جۇمىسسىز ازاماتقا قارجىلاي كومەك كورسەتىلدى. سونداي-اق كوپبالالى ءۇش وتباسىعا، ءۇش مۇگەدەك ادامعا، 29 جاسقا دەيىنگى 35 ازاماتقا رەسپۋبليكالىق بيۋدجەتتەن 20 200 000 تەڭگەنىڭ قاراجاتى وسى ايدا تولەنەدى، – دەدى سەرىكقازى سادۆاقاسوۆ.

ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان باعدارلاماسىنىڭ ءۇشىنشى باعىتى بويىنشا الەۋمەتتىك جۇمىس ورىندارىنا بارلىعى 8 ملن. 524 مىڭ تەڭگە ءبولىندى. ال «جاستار تاجىريبەسىنە» 14 ملن. 14 مىڭ تەڭگە قاراستىرىلعان. جوسپارعا سايكەس اتالمىش باعدارلاما اياسىندا جىل سوڭىنا دەيىن 37 ادام وقيتىن بولادى. اقىلى قوعامدىق جۇمىس ورىندارىن ۇيىمداستىرۋعا جەرگىلىكتى بيۋدجەتتەن 20 ملن. 534 مىڭ تەڭگە ءبولىنىپ، 137 ادامدى قامتۋ جوسپارلانعان. ەسەپتىك كەزەڭدە 126 ادام جولداندى.