قازاقستان پرەزيدەنتى قاسىم-جومارت توقايەۆ الماتىعا ەكى كۇندىك جۇمىس ساپارىمەن كەلدى، – دەپ Qamshy.kz اقپارات اگەنتتىگى حابارلايدى.
مەملەكەت باسشىسى ۇلكەن جينالىس وتكىزەدى دەپ جوسپارلانۋدا. كۇن تارتىبىندە قالانىڭ الەۋمەتتىك-ەكونوميكالىق دامۋى ماسەلەلەرى تۇر. پرەزيدەنتتىڭ جۇمىس ساپار باعدارلاماسى بىرنەشە نىسانداردى ارالاۋدى قامتيدى.
"پرەزيدەنت بۇگىن "جاڭا الماتى" باعدارلاماسىنىڭ تۇساۋكەسەرىمەن تانىسىپ، "بالالار ءۇيىنىڭ" تاربيەلەنۋشىلەرىنە پاتەر كىلتتەرىن تابىس ەتىپ، الماتى قالاسىنىڭ الەۋمەتتىك-ەكونوميكالىق دامۋىنا ارنالعان كەڭەسكە قاتىسادى.
سونىمەن قاتار «Tech Garden» يننوۆاسيالىق كلاستەرىنىڭ جۇمىسىمەن، ينۆەستيسيا ءۇيىنىڭ تىنىس-تىرشىلىگىمەن تانىسادى. بۇدان بولەك ءال-فارابي اتىنداعى قازاق ۇلتتىق ۋنيۆەرسيتەتىنە بارىپ، وندا وقۋ كورپۋسى مەن «كەرەمەت» ستۋدەنتتەرگە قىزمەت كورسەتۋ ورتالىعىندا بولادى" – دەپ پرەزيدەنتتىڭ باسپا ءسوز حاتشىسى بەرىك ءۋالي فەيزبۋكتەگى پاراقشاسىندا ءمالىم ەتتى.
سونداي-اق جۇمىس ساپارىنىڭ ەكىنشى كۇنىندە مەملەكەت باسشىسى الماتىداعى رەزيدەنسياسىندا ءبىرقاتار كەزدەسۋلەر وتكىزەدى.
پىكىر قالدىرۋ