حالىقارالىق انيماسيا كۇنىنە وراي "قازاقفيلم" كينوستۋدياسى youtube جەلىسىندەگى ارناسىنا تاۋەلسىزدىك جىلدارى جارىققا شىققان بىرنەشە انيماسيالىق ءفيلمدى جۇكتەدى، دەپ حابارلايدى كينوستۋديانىڭ باسپا ءسوز قىزمەتى.
مۋلفيلمدەر قاتارىندا "كۇلتەگىن"، "مۇزبالاق"، "تيمۋر مەن جانيك"، "تيمۋر مەن ايداھار"، "جەرۇيىق"، "ماقتانشاق قىز"، "قوشقار مەن تەكە، "ەر توستىك جانە ايداھار، "قازاقستان - ءبىزدىڭ ورتاق ءۇيىمىز"، "قازاق ەلى" سىندى تۋىندىلار بار.
ودان بولەك، «قازاقفيلم» كينوستۋدياسى قازاق كينوسىنىڭ التىن قورىنا ەنگەن فيلمدەردى، ونىڭ ىشىندە قازاق كينوسىنىڭ كلاسسيگى شاكەن ايمانوۆ تۇسىرگەن بارلىق فيلمدەردى ءوزىنىڭ youtube جەلىسىندەگى رەسمي ارناسىنا جۇكتەۋدى جوسپارلاپ وتىر.
پىكىر قالدىرۋ