قازاقستاننىڭ سىرتقى ىستەر مينيسترلىگى ەلباسىنىڭ شەتەلدىك ءىسساپارىنا تاۋلىكتىك كەتەتىن قارجى مولشەرىن اتادى، – دەپ Qamshy.kz اقپارات اگەنتتىگى حابارلايدى.

بيۋدجەتتەن قازاقستاننىڭ تۇڭعىش پرەزيدەنتى نۇرسۇلتان نازاربايەۆتىڭ شەتەلدىك ساياحاتى ءۇشىن كۇنىنە 80-100 دوللار قاراستىرىلعان. بۇل تۋرالى سىرتقى ىستەر ءمينيسترى مۇحتار تىلەۋبەردى ايتتى.

"مۇنىڭ ءبارىن ءبىز  زاڭ اياسىندا ەكەنىن ءتۇسىنۋىمىز كەرەك.  قازاقستان رەسپۋبليكاسىنىڭ تۇڭعىش پرەزيدەنتى  ياعني ەلباسى تۋرالى زاڭ بار. وندا ونىڭ مارتەبەسى ناقتى كورسەتىلگەن. سوندىقتان ۇلت كوشباسشىسى بولا وتىرىپ، قاۋىپسىزدىك كەڭەسىن، قازاقستان حالقى اسسامبلەياسىن باسقارا وتىرىپ، ەلباسى شەتەلدىك ساپارلارعا بارادى. جاقىندا ول باكۋدە بولدى. تۇركىتىلدەس مەملەكەتتەردىڭ سامميتىندە بولدى. سونداي-اق جاپونيادا بولىپ، جاڭا يمپەراتورىنىڭ ينتوناسياسىنا قاتىستى" – دەپ  مينيستر سەيسەنبى كۇنى وتكەن ۇكىمەت وتىرىسىندا جۋرناليستەردىڭ سۇراعىنا جاۋاپ بەردى.  

م.تىلەۋبەردىڭ ايتۋىنشا، بيۋدجەتكە بارلىق مەملەكەتتىك قىزمەتشىلەردىڭ، ونىڭ ىشىندە مەملەكەت باسشىسى، پرەمەر-مينيستردىڭ شەتەلدىك ءىسساپارلارىنا كەتكەن شىعىندار كىرەدى.

"بەلگىلەنگەن ليميتتەر كورسەتىلگەن بەلگىلى ءبىر تور بار. شامامەن 100 دوللاردان (تاۋلىگىنە). ەگەر ەۋروپا ەلدەرىندە ءومىر ءسۇرۋ دەڭگەيى قىمبات بولسا، 100 دوللار، ازيا ەلدەرىندە –  80 دوللار. تەڭەستىرىلگەن (نازاربايەۆ پەن توقايەۆ ءۇشىن)" – دەپ  ءوز ءسوزىن تۇيىندەدى مينيستر.

ەسكە سالساق، ەلباسى نۇرسۇلتان نازاربايەۆ بۇعان دەيىن يمپەراتور نارۋحيتونىڭ رەسمي ينتوناسيا راسىمىنە قاتىسقان بولاتىن. ول 22 قازاندا يمپەراتور سارايىندا ءوتتى. قازاقستاننىڭ تۇڭعىش پرەزيدەنتى سالتاناتتى شاراعا ارنايى كيىممەن كەلدى. سونداي-اق نازاربايەۆ توكيو اكىمشىلىك ايماعىندا تۇرىپ، بوس ۋاقىتىندا ميناتو اۋدانىنىڭ كوپ ەمەس كوشەلەرىن ارالاپ جۇرگەن.