جەلىدە الماتى وبلىسى اكىمىنىڭ ورىنباسارى باعدات ءمانىزوروۆتىڭ 30 سوتتىق جەردى العانى تۋرالى تالقىلاپ جاتقان ۆيدەوسى جاريالاندى،– دەپ Qamshy.kz اقپارات اگەنتتىگى حابارلايدى.

ۆيدەودا ءمانىزوروۆ ۇستەلدە وتىرىپ، كورىنبەيتىن اڭگىمەلەسۋشىمەن بىرەۋدەن 30 سوتتىق جەردى العانى تۋرالى سويلەسەدى. 

"ۆيدەو انتيكوررۋپسيالىق قىزمەت دەپارتامەنتى عيماراتىندا تۇسىرىلگەن، سوزدەردى ماتىننە كەسىپ العان. ۆيدەونى جاريالاۋ بويىنشا ءتيىستى ارىزدار جازىلادى. جەر تەلىمىن قايتا راسىمدەۋ ءۇشىن زاڭگەر قىزمەتىن پايدالانعانى ءۇشىن تولەم جاسالۋى كەرەك بولعان. وسى جەردە باعدات ءمانىزوروۆ وسىنى ءتۇسىندىرىپ تۇر. ولار زاڭگەر شالوۆقا تولەم جاساۋ كەرەك بولعان. ول دا بۇل ىستە فيگۋرانت، ءبىراق ونىڭ ءمانىزوروۆقا ەش قاتىسى جوق.

الايدا ارىز بەرۋشىلەر تولەم جاساماعان. 30 سوتتىق جەرگە باعدات ءمانىزوروۆتىڭ ەش قاتىسى جوق. بارلىق قولدان قۇراستىرىلعان، بۇل وسى ۆيدەودان كورىنىپ-اق تۇر، باعدات ءمانىزوروۆتىڭ ار-نامىسى مەن ىسكەرلىك ابىرويىنا نۇقسان كەلتىرۋ ءۇشىن ىستەلگەن ارەكەت.

مەنىڭ ويىمشا، سوڭعى ۋاقىتتا الەۋمەتتىك جەلى ارقىلى ادامداردىڭ ويىن وزگەرتۋ ءۇردىسى كەرى اسەرىن بەرىپ جاتىر. سول سەبەپتى وسىنداي مونتاجدالعان اقپاراتتارمەن كۇرەسۋ ءۇشىن مەملەكەت رەتتەۋ مەحانيزىمىن ويلاستىرۋى كەرەك. ارينە، ينتەرنەتتە دە جەلىدە دە شارا قولدانىلۋى ءتيىس"، – دەيدى ادۆوكات الماس دەمەسىنوۆ.