بۇگىن "حان شاتىر" ساۋدا جانە ويىن-ساۋىق ورتالىعىنىڭ جەرتولەسىندەگى ەلەكتر كابەلدەرى ورتەندى – دەپ Qamshy.kz اقپارات اگەنتتىگى حابارلايدى، توتەنشە جاعدايلار كوميتەتىنە سىلتەمە جاساپ.
"101 پۋلتىنە" ساعات 09.42-دە "حان شاتىر" سوو ساۋدا ءۇيىنىڭ استىڭعى قاباتىنان ءتۇتىن شىققانى تۋرالى حابارلاما تۇسكەن.
وقيعا ورنىنا كەلگەن ءورت سوندىرۋشىلەر تەحنيكالىق بولمەدەگى ەلەكتر كابەلدەرىنىڭ ورتەنگەنىن انىقتاپ، ءورتتى تولىعىمەن ءسوندىردى.
ال ساۋدا ورتالىعىنىڭ اكىمشىلىگى ءورت ءسوندىرۋ بولىمدەرى كەلگەنگە دەيىن قىزمەتكەرلەر مەن كەلۋشىلەردى ەۆاكۋاسيالاۋدى ۇيىمداستىردى.
توتەنشە جاعدايلار كوميتەتىنىڭ مالىمدەۋىنشە، قازىرگى تاڭدا وقيعا ورنىندا قازا تاپقاندار مەن زارداپ شەككەندەر جوق.
ءورتتى جويۋعا استانالىق تجد جەكە قۇرامىنان 11 ادام جانە 2 تەحنيكا جۇمىلدى. پوليسيا قىزمەتكەرلەرى ساۋدا ويىن-ساۋىق كەشەنىنىڭ اۋماعىن قورشاپ الدى.
پىكىر قالدىرۋ