قازاقستاندىقتار جەلتوقساندا 12 كۇن دەمالادى دەپ حابارلايدى Qamshy.kz اقپارات اگەنتتىگى.

4 قاراشادا ەلىمىزدە وقۋ جىلىنىڭ ەكىنشى توقسانى باستالدى. ول 30 جەلتوقسان كۇنى اياقتالادى.

ءبىلىم جانە عىلىم مينيسترلىگى 2019-2020 وقۋ جىلىنا ارنالعان مەكتەپ دەمالىسىنىڭ كەستەسىن بەكىتكەن ەدى. سوعان سايكەس، 2-11-سىنىپ وقۋشىلارى 34 اپتا وقىپ، 30 كۇن دەمالادى. 1-سىنىپ وقۋشىلارىنا قىستا قوسىمشا دەمالىس بەرىلەدى. سوندىقتان ولاردىڭ وقۋى 33 اپتا بولادى.

2 جانە 11-سىنىپ وقۋشىلارىنىڭ قىسقى دەمالىسى 30 جەلتوقسان مەن 8 قاڭتارعا جوسپارلانعان. قوسىمشا دەمالىس قوسىلعاندىقتان، 1-سىنىپ وقۋشىلارى وزگەلەرمەن بىرگە 30 جەلتوقسان مەن 8 قاڭتار قاڭتار ارالىعىندا دەمالادى. بۇدان سوڭ 3-9 اقپان ارالىعىندا تاعى دا دەمالىس الادى.

1 جەلتوقسان قازاقستاننىڭ تۇڭعىش پرەزيدەنتىنىڭ كۇنى بيىل جەكسەنبىگە ءتۇسىپ تۇر، سوندىقتان ول كۇن 2 جەلتوقسانعا اۋىستىرىلادى. وسىلايشا بەس كۇن جۇمىس ىستەيتىندەر 30 قاراشا، 1،2 جەلتوقسان كۇندەرى قاتارىنان ءۇش كۇن دەمالادى.

ال تاۋەلسىزدىك كۇنىنە وراي قازاقستاندىقتار 16 جانە 17 جەلتوقساندا دەمالادى. وسى ەكى كۇندى قوسقاندا، 4 كۇن قاتارىنان دەمالىس بولادى – 14، 15، 16، 17 جەلتوقسان.