"قورعاس" شەكارا ماڭى ىنتىماقتاستىعى حالىقارالىق ورتالىعىندا ۇقك شەكارا قىزمەتىنىڭ 2088 اسكەري ءبولىمى قىزمەتكەرلەرى مەن الماتى وبلىستىق ەكونوميكالىق تەرگەۋ دەپارتامەنتى قىزمەتكەرلەرى قىتايدان قازاقستانعا زاڭسىز تۇردە اقپاراتتىق تاسىمالداۋشىلار مەن گادجەتتەردىڭ ءىرى پارتياسىن وتكىزبەك بولعانداردى ۇستادى.

تاۋار الىپ وتپەك بولعاندار ءتيىستى جەردە دەكلاراسيادان وتپەي، ءىرى كولەمدەگى گادجەتتەر مەن ولاردىڭ قوسالقى بۇيىمدارىن ەلگە اكەلۋ فاكتىسىن جاسىرعان. تاۋار "Rapiscan" سكانەرى ارقىلى تەكسەرۋ بارىسىندا انىقتالدى.

ۇستالعانداردان تەمەكى بۇيىمدارى، اتاپ ايتقاندا، "Cavallo" ماركالى 80 بلوك (16 000 دانا)، "Mond" ماركالى 90 بلوك (18 000 دانا) جانە "Milano" ماركالى 575 بلوك (115 000 دانا) سيگارەت تاركىلەندى. تاركىلەنگەن تەمەكى ونىمدەرىنىڭ جالپى سانى 745 بلوك (149 000 دانا)، 103 كگ.

ۇستالعاندار سونداي-اق 148 دانا ۇيالى تەلەفون، 6245 دانا فلەشكا (1گب-1520 دانا، 2گب-1480 دانا، 4گب-995 دانا، 8گب-1000 دانا، 16گب-1000 دانا، 32گب-250 دانا)، GSM مودۋلىنە ارنالعان 199 دانا ميكروسحەما، 42 دانا بەينەتىركەگىش، 112،5 كگ جۇڭگو دارى-دارمەكتەرىن الىپ كىرمەك بولعان.

قازىرگى ۋاقىتتا ۇستالعان تاۋار كەدەن قويماسىنا ورنالاستىرىلدى. تاۋاردىڭ كەدەندىك قۇنى انىقتالىپ، ءىستىڭ جاعدايى انىقتالۋدا. دان كەيىن بۇل ىسكە قاتىسى بار بارلىق تۇلعالار قولدانىستاعى زاڭناماعا سايكەس جاۋاپكەرشىلىككە تارتىلادى.