الماتى قالاسى اكىمىنىڭ ورىنباسارى ە.باباقۇماروۆتىڭ توراعالىعىمەن وتكەن جيىندا مەديسينالىق ۇيىمداردا بالا ءولىمىن ازايتۋ، سونداي-اق قاتەرلى اۋرۋلاردان بولاتىن ءولىم-جىتىم كورسەتكىشىن تومەندەتۋ شارالارى تالقىلاندى، دەپ جازادى اكىمدىكتىڭ رەسمي سايتى.
جيىنعا قالالىق مەديسينالىق ۇيىمداردىڭ باسشىلارى قاتىستى. جيىنعا قاتىسۋشىلار ۇيلەستىرۋ كەڭەسى بارىسىندا ايتىلعان ءبىرقاتار ماسەلەلەردى قاراستىرىپ، قابىلدانىپ جاتقان شارالار تۋرالى حابارلادى.
– مەملەكەتتىك دەنساۋلىق ساقتاۋ باعدارلاماسىنىڭ بارلىق ماڭىزدى كورسەتكىشتەرىن مۇقيات پىسىقتاۋ قاجەت. تەك ۇيلەسىمدى بىرلەسكەن ءىس-قيمىل عانا قويىلعان بارلىق مىندەتتەردى شەشۋگە مۇمكىندىك بەرەدى. بارلىق باسشىلارعا مەديسينالىق كومەك كورسەتۋ ساپاسىن قاتاڭ باقىلاۋدا ۇستاۋ قاجەت، – دەدى ەرجان باباقۇماروۆ.
ەستەرىڭىزگە سالا كەتەيىك، رەسپۋبليكالىق شتاب وتىرىسىنىڭ قورىتىندىسى بويىنشا 29 قازاندا الماتىدا وتكەن كەڭەستە پرەزيدەنت ق.-ج.توقايەۆتىڭ بەرگەن تاپسىرمالارىن ىسكە اسىرۋ، الماتى دەنساۋلىق ساقتاۋ جۇيەسىندەگى ىستەردىڭ جاعدايىن جاقسارتۋ، ءمامس تەتىكتەرىن ەنگىزۋدى ەسكەرە وتىرىپ، مەديسينالىق قىزمەتتەردىڭ ساپاسى مەن قولجەتىمدىلىگىن ارتتىرۋ بويىنشا كەشەندى ءىس-قيمىل جوسپارى ازىرلەندى.
پىكىر قالدىرۋ