«جاڭا ەسىمدەردىڭ ون جىلدىعى» ۇرانىمەن وتكەن فەستيۆالدى ق ر تۇڭعىش پرەزيدەنتى – ەلباسى قورى ۇيىمداستىرسا، وعان الماتى اكىمدىگى قولداۋ كورسەتتى.

فەستيۆال قاتىسۋشىلارى مەن ونىڭ قوناقتارىن قالا اكىمى ب.ساعىنتايەۆتىڭ اتىنان شاھار باسشىسىنىڭ ورىنباسارى ەرجان باباقۇماروۆ قۇتتىقتادى.

– جاستاردىڭ اراسىندا ونەر مەن مادەنيەتتى جان-جاقتى دامىتۋدى ماقسات ەتكەن فەستيۆال ءوزىنىڭ ون جىلدىعىن اتاپ وتۋدە. اتالعان شارا ءار ەلدىڭ جاستارىنىڭ باسىن قوسىپ كەلەدى. جىل سايىن فەستيۆالگە قاتىسۋعا نيەت بىلدىرۋشىلەر قاتارى كەڭەيۋدە. بۇل – كوپشىلىككە ءوز تالانتىن پاش ەتىپ، شىعارماشىلىق كوكجيەگىن كەڭەيتۋگە جانە جاڭا تاجىريبە الۋعا تاماشا مۇمكىندىك، – دەدى الماتى قالاسى اكىمىنىڭ ورىنباسارى.

جىل سايىن فەستيۆال اياسىندا ءار ەلدىڭ تانىمال مادەنيەت قايراتكەرلەرىنىڭ قاتىسۋىمەن ەلىمىزدىڭ جاس ماماندارى مەن شىعارماشىلىق وقۋ ورىندارىنىڭ ستۋدەنتتەرى ءۇشىن ءتۇرلى شىعارماشىلىق كەزدەسۋلەر، شەبەرلىك سىنىپتارى، دارىستەر، ترەنينگتەر مەن سەمينارلار وتەدى.

وسى ۋاقىت ىشىندە «جاسSTAR»-عا سەناريست ءارى كينورەجيسسەر ەگور كونچالوۆسكيي، مۋزىكانت جانە پروديۋسەر بايعالي سەركەبايەۆ، پاريج وپەراسى ۇلتتىق وركەسترىنىڭ ديريجەرى فيليپپ يۋي، تانىمال سۋرەتشى-ستيليست م.لامين، «ۆيرتۋوزى موسكۆى» وركەسترىنىڭ ءسوليسى، ءبىرىنشى سكريپكاشى الەكسەي لۋندين كەلدى.

بۇل فەستيۆالدە Broadway musical shows فورماتىنداعى ميۋزيكل ءوتتى. «جاسSTAR» قاتىسۋشىلارىنىڭ جاس كولەمى ءار ءتۇرلى. ەلىمىزدىڭ شىعارماشىل جاستارىنىڭ ۇزدىك وكىلدەرى الماتىنىڭ باستى كونسەرتتىك زالى – رەسپۋبليكا سارايىنىڭ ساحناسىندا الەمدىك ميۋزيكلدەردىڭ ۇزدىك حيتتارىن ورىندادى. فەستيۆال باعدارلاماسىندا «ۆەليچايشيي شوۋمەن»، «كراساۆيسا ي چۋدوۆيششە»، «رومەو مەن دجۋلەتتا»، Chicago، «دوستار سەرتى»، «لا-لا لەند»، Mamma mia سياقتى ميۋزيكلدەردىڭ كومپوزيسيالارى ورىندالدى.