قىركۇيەك ايىندا رەسەيدىڭ اقپارات قۇرالدارى كەشەن اتاۋىن قازاقستاننىڭ بۇرىنعى پرەزيدەنتى نۇرسۇلتان نازاربايەۆتىڭ قۇرمەتىنە وزگەرتۋ باستاماسى تۋرالى جازعان.
"بيىل ءساۋىر ايىندا قازاقستان پرەزيدەنتى قاسىم-جومارت توقايەۆ پەن رەسەي پرەزيدەنتى ۆلاديمير پۋتين بايقوڭىر عارىش ايلاعىنداعى اۋقىمدى جوبا - "بايتەرەك" ەكولوگيالىق ءقاۋىپسىز عارىش زىمىران كەشەنىن دامىتۋدى تاپسىردى" دەدى اسقار ءمامين. پرەمەردىڭ نۇر-سۇلتاندا "بايقوڭىر - الەمنىڭ عارىشكەرلىك بەسىگى" فورۋمىندا ايتقان بۇل مالىمدەمەسىن "ينتەرفاكس" اگەنتتىگى تاراتتى.
"ينتەرفاكس" جوبانى "نازاربايەۆ ستارتى" دەپ اتاۋ جونىندە رەسەي باستاما كوتەرگەنىن اتاپ وتكەن.
قىركۇيەك ايىندا قازاقستاننىڭ بۇرىنعى پرەزيدەنتى نۇرسۇلتان نازاربايەۆ رەسەي پرەزيدەنتى ۆلاديمير ءپۋتيننىڭ "بايتەرەك" زىمىران كەشەنىنىڭ اتاۋىن "نازاربايەۆقا" وزگەرتۋ ۇسىنىسىن قابىلداعان.
بيىل ناۋرىز ايىندا پرەزيدەنتتىكتەن كەتسە دە، ىقپالدى بيلىگىن ساقتاپ قالعان نازاربايەۆتىڭ قۇرمەتىنە استانا قالاسىنىڭ اتاۋى نۇر-سۇلتان دەپ وزگەرتىلدى.
پىكىر قالدىرۋ