ءماجىلىس دەپۋتاتى ايقىن قوڭىروۆ نۇر-سۇلتان قالاسىندا دۇنيەجۇزىلىك ساۋدا ۇيىمىنىڭ كونفەرەنسياسىن وتكىزۋ شىعىندارىنا كۇمان كەلتىردى – دەپ Qamshy.kz اقپارات اگەنتتىگى حابارلايدى..
"كەلەسى جىلى قازاقستان دۇنيەجۇزىلىك ساۋدا ۇيىمىنىڭ مينيسترلەر كونفەرەنسياسىن وتكىزۋگە نيەتتى. شاراعا قاتىسۋشىلار سانى 5-6 مىڭ ادامنان اسادى. ۇيىمداستىرۋشى – "استانا ەكسپو-2017" ۇلتتىق كومپانياسى. مۇنداي جاھاندىق شارانىڭ يميدجدىك اسەرى بار ەكەنى انىق. سونداي-اق كونفەرەنسيانىڭ شىعىندارىنىڭ نەگىزدەمەسى جانە ونىڭ پراكتيكالىق اسەرى كۇمان تۋعىزادى. ويتكەنى، قازاقستان جاقىندا دسۇ-عا مۇشە بولدى جانە ءبىرقاتار سالالاردا ءالى دە وتپەلى كەزەڭدە"،– دەپ پرەمەر-مينيستر اسقار مامينگە دەپۋتاتتىق ساۋال جولدادى.
"حالىقارالىق ساۋدا تىزبەگىندە شيكىزات جەتكىزۋشىسى رەتىندە وسىنداي رولگە يە بولا وتىرىپ، قازاقستان دايىن ءونىمدى جەتكىزۋشىلەردىڭ مۇددەلەرىن قورعايتىن جانە ساراپشىلاردىڭ پىكىرىنشە تەرەڭ داعدارىستا تۇرعان ۇيىمنىڭ مينيسترلەر كونفەرەنسياسىن وتكىزۋى كەرەك"، – دەدى دەپۋتات.
ودان وزگە قوڭىروۆ بۇل اقشانى وتاندىق كاسىپورىندار مەن ەكسپورتتاۋشىلاردى ءىس جۇزىندە قولداۋعا، ەڭ الدىمەن كورشى ەلدەردىڭ نارىقتارىنا جىلجىتۋعا جۇمساۋدى ۇسىندى.
سونداي-اق دەپۋتات ەكسپو نىساندارىنىڭ ءوزىن-وزى قامتاماسىز ەتۋىنە بايلانىستى ءبىرقاتار ماسەلەلەردى كوتەردى.
"ءبىر كەزدەرى ەكسپو نىساندارىن كورمەدەن كەيىنگى پايدالانۋدىڭ تيىمدىلىگىن ارتتىرۋ جانە ولاردىڭ وتەلۋىنە قول جەتكىزۋ مىندەتى قويىلعان بولاتىن. سوندىقتان دسۇ مينيسترلەر كونفەرەنسياسى سياقتى كەڭ اۋقىمدى شارالاردى وتكىزۋ قازاقستان ءۇشىن كوممەرسيالىق پايدا تابۋدىڭ جولى بولدى. كونفەرەنسيانىڭ سمەتالىق قۇنى قانداي، ول قالاي جابىلادى؟ ەكسپو –2017 نىساندارىنىڭ قايسىسى ءوزىن-وزى قامتاماسىز ەتۋگە جەتكىزىلەدى جانە قايسىسى ءۇشىن مەملەكەت تاراپىنان قارجىلاندىرۋ جالعاسۋدا؟ "استانا ەكسپو – 2017" ۇلتتىق كومپانياسىنىڭ 2018 جىلعى قىزمەتىنىڭ قارجىلىق ناتيجەلەرى قانداي"، – دەيدى پرەمەر-مينيسترگە دەپۋتاتتىق ساۋالىندا.
پىكىر قالدىرۋ