سينوپتيكتەر 14-16 قاراشا ارالىعىنا ارنالعان اۋا رايى بولجامىن جاريالادى – دەپ Qamshy.kz اقپارات اگەنتتىگى حابارلايدى، "قازگيدرومەت" رمك باسپا ءسوز قىزمەتىنە سىلتەمە جاساپ.

ورال جانە باتىس ءسىبىر ايماقتارىنان اركتيكالىق فرونتتار وڭتۇستىك-شىعىسقا قاراي جىلجيدى. سالدارىنان قازاقستان تەرريتورياسىنىڭ كەي جەرلەرىندە بۇرقاسىن بولادى. سولتۇستىك-شىعىس جەلى كۇشەيەدى. كوكتايعاق كۇتىلەدى.

ال فرونتتاردىڭ ارتىنان اركتيكالىق تەڭىز اكۆاتورياسىندا قالىپتاسقان انتيسيكلون جىلجيدى. سونىڭ اسەرىنەن رەسپۋبليكانىڭ كوپتەگەن وبلىستارىندا كۇن سۋىتادى.

سولتۇستىك، ورتالىق جانە شىعىس ايماقتاردا تۇنگى اۋا تەمپەراتۋراسى - 13 -18، كەي جەرلەردە -20 -25 گرادۋسقا دەيىن تومەندەيدى. بۇل ورتاشا كوپجىلدىق ماننەن 4…10°س تومەن.

رەسپۋبليكانىڭ باتىسىندا عانا وسى كۇندەرى اۋا تەمپەراتۋراسى نورماعا جاقىن جانە جاۋىن-شاشىنسىز.