اقتاۋدا جورىق جىرشىسى قالنياز جىراۋ شوپىق ۇلىنىڭ «ەر قارمىس» داستانىنىڭ نەگىزىندە تۇسىرىلگەن كينو-جىردىڭ تۇساۋكەسەرى ءوتتى. تۋىندىنىڭ رەجيسسەرى - نارتاي ساۋدانبەك ۇلى. باس كەيىپكەر - جەتپىس بەس جاستاعى ەر قارمىستىڭ ءرولىن ق ر ەڭبەك سىڭىرگەن قايراتكەرى قونىسبەك بەگايداروۆ شەبەر ويناپ شىققان.

كۇتپەگەن جەردەن شاپقان جاۋ، ازاماتتاردىڭ قاپىدا قىرشىننان قيىلۋى، مال-جاننىڭ تالان-تاراجعا ءتۇسۋى. بۇل حاباردى ەستىگەن بويدا ەر قارمىس باتىر جاۋعا تويتارىس بەرۋگە بەت الادى. ەر تولەپكە حابارلاپ، ول كەلگەنشە جاۋدى قۋىپ جەتىپ جالعىز ءوزى قارسى تۇرادى. كينو-جىردىڭ جەلىسى وسىلاي ءوربيدى. ەلىن قورعاعان باتىر بەينەسى قايسارلىق، قاھارماندىق، مارتتىكپەن جەتكىزىلگەن.

-قالاي مەن ويلادىم سولاي شىققان. وتە ريزامىن. حالىقتىڭ قابىلداۋى ەرەكشە. ءوزىمنىڭ ويىمنان شىقتى. جىر ءبىزدىڭ ۇلتتىق جادىمىز. عاسىردان-عاسىرعا ۇلت بولىپ قالۋ ءۇشىن وسى جىردى وزەگىمىزدى مىقتى ۇستاۋىمىز كەرەك، دەيدى سەناريست-دراماتۋرگ جانىبەك الىكەن.

كينو-جىردىڭ تۇساۋكەسەرى ءابىش كەكىلباي ۇلىنىڭ 80 جىلدىق مەرەيتويى اياسىندا ءوتۋى بەكەر ەمەس. سەبەبى، ابىزدىڭ ءوزى «دۋاداق قونعان بوز توبە» اتتى تاريحي تانىمدىق ەڭبەگىندە «ەر قارمىستى»، «بالۋانياز باتىر»، «توعىز اۋىل» داستاندارىمەن بايلانىستىرىپ جازىپ كەتكەن. جاڭا ءفيلمنىڭ ەرەكشەلىگى - اتالمىش داستاننىڭ جەلىسى بۇزىلماي، وقيعالار جىردىڭ نەگىزىندە ءوربىپ وتىرادى.

-ءابىش اعامىز ەندى ماڭعىستاۋدىڭ بۇكىل ۇڭعىل-شۇڭعىلىن، باتىر-باعىلاندارىن، جالىپ سالت-داستۇرلەرىن ءوزىنىڭ شىعارمالارىندا ايتىپ ماقتان تۇتىپ وتكەن. ءابىش اعانىڭ شىعارمالارى ىشىندە دە وسى ەر قارمىس جايلى بار. ءابىش اعانىڭ 80 جىلدىق مەرەيتويىندا ءبىز وسى ءفيلمدى كوزايىم قىلىپ الىپ كەلىپ جاتىرمىز. حالىقتىڭ قابىلداۋى ەرەكشە سياقتى. بۇرىن-سوڭدى مۇنداي بولماعان. جىراۋ ايتىپ وتىرعاندا ەكراندا وقيعانىڭ ءوربىپ وتىراتىنى بولماعان. بۇل قازاققا ءتان، قازاقتىڭ ساناسىنا ءتان نارسە دەپ ويلايمىن، دەيدى ق ر حالىق ءارتىسى، «قۇرمەت» وردەنىنىڭ يەگەرى تۇڭعىشباي جامانقۇلوۆ.

ەرەكشە تولقىعان كورەرمەننىڭ كوبى كوزىنە ەرىكسىز جاس ءۇيىردى. بەينەكليپ نەمەسە قىسقامەتراجدى فيلم دەۋگە مازمۇنى مەن اۋقىمى سىيمايتىن تۋىندىنى كورگەندەر ءبىر اۋىزدان كينو-داستان دەپ باعالادى.

- قازاق باتىرلارىنىڭ ەلدى، ادامدارىن، بايلىقتارىن قالاي قورعانىن وسى فيلمنەن-اق ناتيجە شىعارۋعا بولادى. سەبەبى، 75 جاس دەگەن وڭاي جاس ەمەس. بۇل ۇلكەن جاس. ونىڭ بەر جاعىندا تۇرعان كۇشى كەۋدەسىنە سىيماي تۇرعان جاستاردىڭ ءوزى وندايعا بارمايدى. سول كەزدەگى ۇلكەن ادامدار ەلىن، حالقىن قالاي قورعاعان، قالاي سىيلاعان، جاستاردى دا وزىنە قاراتىپ تاربيەلەگەن، دەيدى «بالىقشى اتا» قوعامدىق قورىنىڭ ءتوراعاسى، «تۇلپارقۇرىلىس» ج ش س باس ديرەكتورى قىلىشباي كوشەرباي ۇلى.

كوپتىڭ كوڭىلىنەن شىققان كينو-جىر الداعى ۋاقىتا قالىڭ كورەرمەنگە جول تارتادى.