اقتاۋدا "اي سىرعالى اق شاعىل" اتاۋىمەن ماڭعىستاۋلىق اقىن نۇرگۇل ماۋلينانىڭ شىعارماشىلىق كەشى ءوتتى.  شارادا اقىننىڭ 30-عا جۋىق ولەڭى وقىلىپ، ونىڭ سوزىنە جازىلعان اندەر شىرقالدى. 

كوڭىلدىڭ نازىك قىلىن شەرتەر سەزىمگە تولى پوەزيا، اقىننىڭ مۇڭى مەن شەرى، وكىنىشى مەن قۋانىشىن سيپاتتايتىن جۇرەكجاردى جىرلارى، شارانىڭ شىمىلدىعىن كەش يەسىنىڭ ءوزى اشتى. كەشتىڭ ەرەكشەلىگى دە سول، ولەڭ دە ءان دە جاندى داۋىستا ورىندالدى.

-بۇل كەشتى وتكەن جىلدىڭ ساۋىرىندە جوسپارلاعانبىز. سوندا ماڭعىستاۋعا كەلىپ، وتكىزسەم دەگەن ارمانىم بولدى. بۇگىن سول كەشىم ءوتىپ، كوڭىلىم بىرلەنىپ تۇر. قاشان كەلەسىز دەگەن وقىرماندارىمدى كەزدەستىردىم، دەيدى اقىن نۇرگۇل ماۋلينا.

كەشكە ونەر يەسىن قۇتتىقتاپ، الىس-جاقىننان  اقىندار كەلدى.  ولار جىلى لەبىزى مەن ىزگى تىلەكتەرىن ءبىلدىردى. اي سىرعالى اقىن پوەزيا سۇيەر قاۋىمنىڭ سۇيىسپەنشىلىگىنە بولەندى. كورەرمەننىڭ ءىلتيپاتى مەن قوشەمەتى زور بولدى. 

ايتا كەتەيىك، بۇل اقىننىڭ  2ء-شى شىعارماشىلىق كەشى. وسىعان دەيىن  الماتى قالاسىندا ۇيىمداستىرىلعان.