ۇقك الماتى قالاسى بويىنشا دەپارتامەنتى ەۋرووداق ەلدەرىنەن قازاقستانعا پوشتا ارقىلى سينتەتيكالىق ەسىرتكى جەتكىزەتىن كونتراباندالىق ارنانى ۇيىمداستىرعان توپتىڭ جولىن كەستى. بۇل جونىندە ۇلتتىق قاۋىپسىزدىك كوميتەتىنىڭ باسپا ءسوز قىزمەتىنە سىلتەمە جاساپ، Qamshy.kz اقپارات اگەنتتىگى حابارلايدى.

6 قاراشادا پوشتا بولىمشەسىندە جەدەل-ىزدەستىرۋ شارالارىن جۇرگىزۋ ناتيجەسىندە 968 پسيحوتروپتىق تابلەتكا تابىلدى.

سونداي-اق، گەرمانيا ارقىلى نيدەرلاندىدان كونتراباندالىق ەسىرتكى جەتكىزۋگە قاتىسى بار الماتى قالاسىنىڭ ەكى تۇرعىنى – "ك" مەن  "د" ۇستالدى.

"ۇستالعان "ك"-نىڭ تۇرعىلىقتى جەرى بويىنشا شامامەن 1.5 كگ "گاشيش" ەسىرتكىسى مەن 30 گ مەفەدرون الىندى. الىنعان زاتتار سوت-حيميالىق ساراپتاماعا جولداندى. ەسىرتكى قۇرالدارى مەن پسيحوتروپتىق زاتتاردى ينتەرنەت-دۇكەن ارقىلى وتكىزىپ وتىرعان" – دەلىنگەن حابارلامادا.

اتالمىش دەرەكتەر بويىنشا ق ر ۇقك الماتى قالاسى بويىنشا دەپارتامەنتى قك 297-بابى 3ء-بولىمى بويىنشا قىلمىستىق ءىس قوزعادى. ۇستالعان ادامدار الماتى قالالىق پوليسيا دەپارتامەنتىنىڭ ۋاقىتشا ۇستاۋ يزولياتورىنا قامالدى. قازىرگى تاڭدا سوتقا دەيىنگى تەرگەۋ جۇمىستارى جالعاسۋدا.