پرەزيدەنت قاسىم-جومارت توقايەۆ كوكشەتاۋ قالاسىندا ءوتىپ جاتقان اقمولا وبلىسىن دامىتۋ ماسەلەلەرى جونىندەگى كەڭەستە تۇرعىنداردىڭ مال جاياتىن جەر تاپپاي قينالىپ جۇرگەنىن ايتتى. بۇل تۋرالى اقوردا باسپا ءسوز قىزمەتى تۋيتتەردەگى پاراقشاسىندا حابارلادى.
– وبلىستاعى جايىلىمدىق جەردىڭ كولەمى شامامەن 4،5 ميلليون گەكتار، سونىڭ 88%ء-ى پايدالانىلىپ وتىر. اۋىلدىق ەلدى-مەكەندەردە تۇرعىندار مال جاياتىن جەر تاپپاي قينالۋدا. ۇكىمەت بەرىلگەن جەرلەردى باقىلاۋعا الىپ، جەكە ازاماتتار مال جايۋعا مۇمكىندىك الۋ ءۇشىن قاجەتتى ءنورماتيۆتى ۇستانۋى كەرەك، – دەدى پرەزيدەنت.
جيىن بارىسىندا مەملەكەت باسشىسى وڭىردەگى ەلەۋلى وزگەرىستەرگە توقتالدى.
– ەكى جىل ىشىندە «نۇرلى جەر» باعدارلاماسىمەن 900 مىڭ شارشى مەتر تۇرعىن ءۇي تاپسىرىلدى. 8 مىڭنان استام وتباسىنىڭ تۇرعىن ءۇي ماسەلەسى شەشىلدى، – دەدى ق. توقايەۆ.
پىكىر قالدىرۋ