اتالعان دەرەك بويىنشا وبلىستىق كريمينالدى پوليسيا قىزمەتكەرلەرىمەن جەدەل-ىزدەستىرۋ شارالارى جۇرگىزىلدى. ناتيجەسىندە ىسكە قاتىستى 1993 جىلى تۋىلعان ت.رىسقۇلوۆ اۋدانىنىڭ تۇرعىنى ۇستالدى. كۇدىكتى كىناسىن مويىنداپ، ۋاقىتشا ۇستاۋ اباقتىسىنا قاماققا الىندى.

سونداي-اق، تەرگەۋ بارىسىندا كۇدىكتى سىبايلاسىمەن بىرگە ىزدەۋدە جۇرگەن ءبىر باس بۇقا مەن ءبىر باس سيىردى ۇرلاعانىن دا مويىندادى. جالپى شىعىن 700 000 تەڭگەنى قۇراعان. جەدەل-ىزدەستىرۋ كەزىندە سىبايلاسى دا ۇستالىپ، قاماققا الىندى.

قازىرگى ۋاقىتتا ق ر قك-نىڭ 188-بابىنىڭ 2ء-بولىمى (ادامدار توبىنىڭ الدىن الا ءسوز بايلاسۋىمەن جاسالعان ۇرلىق) جانە 3-بولىمىمەن (بىرنەشە رەت جاسالعان ۇرلىق ) سوتقا دەيىنگى تەرگەۋ امالدارى جۇرگىزىلۋدە.

ۇرلانۋ دەرەكتەرى كوبىنە باقىلاۋسىز قالدىرىلعان جاعدايلاردا ورىن الادى. وسىعان وراي، جامبىل وبلىسى پوليسيا دەپارتامەنتى تۇرعىنداردى مالدارىن قاراۋسىز قالدىرماۋعا شاقىرادى. جوعالعان جاعدايدا ىشكى ىستەر ورگاندارىنا جەدەل تۇردە حابار بەرىلۋى كەرەكتىگىن ەسكەرتەدى.

سونىمەن قاتار، مال ۇرلىعىنىڭ الدىن الۋدا اۋىلدىق وكرۋگتەردە، ەلدى مەكەندەردە جانە اۋىلداردا شارۋاشىلىق مالدارىن ۇيىمداستىرا ورىسكە شىعارۋ قاجەت. بۇل رەتتە اۋىلدىق وكرۋگ اكىمدەرى، مال ەگەلەرى جانە مالشى اراسىندا ءۇش جاقتى كەلىسىم بەكىتۋ ماڭىزدى ورىن الادى.

جامبىل وبلىسى پوليسيا دەپارتامەنتىنىڭ باسپا ءسوز قىزمەتى