اسىرەسە، رەسەيگە بەت تۇزەگەندەردىڭ قاتارى سوڭعى كەزدە كۇرت كوبەيە ءتۇستى، دەپ جازادى Qamshy.kz اقپارات اگەنتتىگى ستاتيستيكا كوميتەتىنىڭ دەرەگىنە سۇيەنە وتىرىپ.

سوڭعى توعىز ايدا شەتەلگە 34 مىڭنان اسا ادام قونىس اۋدارعان. بۇل وتكەن جىلعى ەسەپتەن سالىستارعاندا  8 پايىزعا كوپ. 2018 جىلى 31،6 مىڭ ادام كوشىن سىرتقا قاراي تۇزەگەنى  بەلگىلى.

مامانداردىڭ زەرتتەۋىنە قاراعاندا، اسىرەسە رەسەيگە قونىس اۋدارعانداردىڭ سانى ارتىپ وتىر. سوڭعى توعىز ايدا سىرتقا كەتكەن 34 مىڭ ادامنىڭ 30،4 مىڭى رەسەيگە كوشىپ كەتكەن كورىنەدى. ال رەسەيدەن قازاق ەلىنەن كەلگەندەردىڭ سانى 2،2 مىڭ شاماسىندا.

ال سىرتقا كەتكەندەردىڭ سانى جونىنەن ەكىنشى ورىندى نەمىستەر الادى. شامامەن 2،1 مىڭ ادام گەرمانياعا قونىس اۋدارعان.  ال بەلارۋس ەلىنە 297 قازاقستاندىق كەتكەن. وزبەكستانعا -220، ال اقش-قا 190 قازاقستاندىق قونىس اۋدارعان. سونىمەن قاتار، قىرعىزستان، يزرايل، جۇڭگو، تۇركيا مەن كانادا ەلىنە كەتكەندەر دە بارشىلىق.

سوڭعى 9 ايدىڭ كورسەتكىشتەرىنە نازار اۋداراتىن بولساق، سىرت ەلگە نەگىزىنەن قالادا تۇراتىن قازاقستاندىقتار كەتىپ جاتىر. قونىس اۋدارعانداردىڭ 28،8 مىڭى، ياعني 84،1 پايىزى قالالىقتار  ەكەن. ال اۋىلدىق ەلدىمەكەندەردەن شامامەن 5،4 مىڭداي ادام كەتكەن.

ال قاي جاقتان قازاقستانعا كوپتەپ كەلىپ جاتىر؟ بۇل ورايدا وزبەكستاننان كەلەتىندەردىڭ شوعىرى  كوپ بولىپ تۇر. سوڭعى ۋاقىتتا وزبەكستاننان 3 مىڭعا جۋىق، رەسەيدەن 2،2 مىڭ، قىتايدان 668 ادام كوشىپ كەلگەن.  

نەگىزىنەن حالىق شىعىس قازاقستان، قاراعاندى، قوستاناي، پاۆلودار مەن سولتۇستىك قازاقستان وبلىسىنان كوشىپ جاتىر. ولاردىڭ قونىستانعان جەرى – رەسەي اۋماعى.

...بۇل دۇرىس تا شىعار. ولاردىڭ تاريحي وتانى رەسەي عوي.