ماسكەۋدە تاي بوكسىنان ءۇش دۇركىن الەم چەمپيونى، ارمەنيا ازاماتى اشوت بولياندى بەلگىسىز بىرەۋ اتىپ كەتتى – دەپ Qamshy.kz اقپارات اگەنتتىگى حابارلايدى، ريا نوۆوستي -گە سىلتەمە جاساپ.
قىلمىس 13 قاراشا كەشكە تۇرعىن ءۇيدىڭ ماڭىندا جاسالعان. بەلگىسىز بىرەۋ 40 جاستاعى الەم چەمپيونىنا وق اتقان، اۋىر جاراقاتتان سپورتشى وقيعا ورنىندا كوز جۇمدى، – دەپ مالىمدەدى رف تەرگەۋ كوميتەتى.
رف قىلمىستىق كودەكسىنىڭ 105-بابى 1-تارماعى (ادام ءولتىرۋ) جانە 222-بابى 1-تارماعى (زاڭسىز قارۋ-جاراق اينالىمى) بويىنشا قىلمىستىق ءىس قوزعالدى.
"تەرگەۋ بىرنەشە بولجامدى قاراستىرىپ وتىر. سونىڭ ءبىرى كاسىپكەرلىك قىزمەتپەن بايلانىستى"، – دەلىنگەن اقپارات اگەنتىگىنىڭ دەرەگىندە.
پىكىر قالدىرۋ