ق ر پرەزيدەنتى قاسىم-جومارت توقايەۆتىڭ سىنىنان كەيىن مەگاپوليستە اعاش وتىرعىزۋ تۋرالى جارناما جاسالعان جوق. بۇل تۋرالى اكىمدىكتە وتكەن باسپا ءسوز ءماسليحاتىندا الماتى قالالىق جاسىل ەكونوميكا باسقارماسىنىڭ باستىعى ەرجان سەيتەنوۆ ايتتى.

«سىن اعاش وتىرعىزۋ جۇمىسىنا ەمەس، جاۋاپسىزدىققا بايلانىستى ايتىلدى. ياعني، قالىپ قالعان كوشەتتەردى مەڭزەدى. نەگىزى ءبىز اعاش كوشەتتەرىن تاستاعان جوقپىز، ءبارىن وتىرعىزدىق. كوكتەمدە تاعى دا ەگۋگە بولادى. كوشەتتەردىڭ ءبارى ءتىرى. جاقىندا تاعى جاڭا اعاش كوشەتتەرىن وتىرعىزدىق. بۇعان دەيىن ب ا ق بەتتەرىندە جاعىمسىز پىكىرلەر ايتىلعاندىقتان ءبىز جارناما جاسامادىق»، - دەدى ەرجان سەيتەنوۆ بريفينگتە.

ونىڭ ايتۋىنشا، بيىل قالادا 120 مىڭعا جۋىق اعاش وتىرعىزىلدى.

«اتلەتيكالىق اۋىل» ىقشاماۋدانىنىڭ بويىندا 2000-عا جۋىق، الاتاۋ تەاترىنىڭ ماڭىندا 1100-گە جۋىق، سايالى ىقشاماۋدانىندا 2000-عا جۋىق اعاش وتىرعىزىلدى. سايالى-2 ىقشاماۋدانىنا قايىڭ وتىرعىزدىق. مەنىڭ ويىمشا، بۇل بارىنە ۇنادى. ول اۋداندا جەر ۋچاسكەسى جەتكىلىكتى. ءبىز وعان 1000 دانا قايىڭ اعاشىن قوستىق. بۇل جۇمىستار كوكتەمدە جالعاسادى. جەتىسۋ اۋدانىن دا قامتىدىق. وتىرعىزىلعان اعاشتاردىڭ بارلىعىنا ەكى جىلعا كەپىلدىك بەرىلگەن»،- دەدى ەرجان سەيتەنوۆ

ەسكە سالايىق، جاقىندا الماتىعا جۇمىس ساپارىمەن كەلگەن قازاقستان پرەزيدەنتى الماتى اكىمىنىڭ ءبىرىنشى ورىنباسارى ەرلان قوجاعاپانوۆقا كوكتوبەدە كوشەتتەر قالىپ قويعانى ءۇشىن سوگىس جاريالادى.