ماڭعىستاۋ وبلىستىق مادەنيەت، تىلدەردى دامىتۋ جانە ارحيۆ ءىسى باسقارماسىنىڭ الەۋمەتتىك-مەملەكەتتىك تاپسىرىسى اياسىندا «التىن ويماق» قولونەردى قولداۋ قوعامدىق قورى ماڭعىستاۋ اۋدانىنىڭ  ورتالىعى شەتپە سەلوسىندا ترەنيگ وتكىزدى. ترەنينگ بارىسىندا قاتىسۋشىلار كەرەگە تاڭعىش توقيتىن قۇرال-جابدىقتار مەن بوياۋ تۇرلەرىمەن تانىستى. سونىمەن قاتار، تۇستەردىڭ ۇيلەسىمدىلىگىن ۇيرەندى. ترەنينگتى ماڭعىستاۋلىق شەبەر كۇمىس قوسباي جۇرگىزدى. قاتىسۋشىلار سانى 20 ادام. ولار 14 جىپتەن شىعاتىن «سىڭار ءمۇيىز» جانە «قۇس تاۋداي» ورنەگىن ۇيرەندى. ترەنينگكە شەتپەدەن عانا ەمەس جەتىباي، تۇششىبەك اۋىلدارى مەن جاڭاوزەن قالاسىنان قاتىسۋشىلار كەلىپ قاتىستى. «رۋحاني جاڭعىرۋ» اياسىندا وتكىزىلگەن شارادا ترەنينگكە قاتىسۋشىلار وقۋدى ءجۇندى ازىرلەۋ ادىستەمەسىنەن باستادى. ودان كەيىن تالدىرما دايىنداۋ ءادىسىن جانە ونى  ويۋدى، قيۋ جانە قيۋلاستىرۋ ادىستەرىن ۇيرەندى. جەرگىلىكتى قويدىڭ ءجۇنىن ساباۋدىڭ جانە سابان شيگە  سالۋ ادىسىمەن تانىستى. ويۋدى، تالدىرمانى  قيىپ، تەكەمەتتى سالىپ بولعاننان كەيىن سۋ سەبىلىپ، شيگە ورالىپ 4 ادام ۇزىن ارقانمەن تەربەتكەندە قاتىسۋشىلاردىڭ كوڭىل-كۇيى كوتەرىلىپ ءان شىرقالدى. قاتىسۋشىلار وسى ترەنينگكە قاتىسىپ ۇيرەنگەندەرىن ايتىپ العىسىن جاۋدىردى.

باۋ-باسقۇر توقۋدىڭ 1ء-شى ءبولىمى كەرەگە تاڭعىش توقۋدان باستالدى. سودان كەيىن جىپتەر كەرىلىپ تاڭعىشتى قۇرۋ پروسەسى ءجۇردى. ارينە 3  كۇندە توقىپ ۇلگەرە المايتىن بولعاندىقتان قاتىسۋشىلاردىڭ بارلىعى ۇيدەن توقىپ ۇيرەنۋگە بەرىپ جىبەردى.

بۇل ءىس-شارا قازاقتىڭ ءداستۇرلى قولونەرى - تەكەمەت باسۋدىڭ ماڭعىستاۋعا ءتان دايىندالۋىمەن ەرەكشە بولدى. الدىمەن قويدىڭ  سۇرىپتالعان جۇندەرى تۋلاقتا سابالىپ، سابالعان ءجۇن شيگە سالىندى. جۇقالاي باسىلعان تالدىرما ويىلىپ جۇنگە سالىندى.  تالدىرما بوياۋ ءادىسى دە سول جەردە كورسەتىلىپ تۇسىنىك بەرىلدى. ويۋ سالىنىپ بولعاننان كەيىن تەكەمەتكە جىلى سۋ قۇيىلىپ، شيگە ورالىپ ءشيدى بايلاپ بۋىپ، ۇزىن ارقانمەن 4 ادام كيىزدى تارتۋدى باستادى. 1 ساعاتتاي تارتىلىپ، كيىزدى بىلەكتەۋ پروسەسى كورسەتىلدى.