ورالدا 10 جاسار قىزدىڭ قازاسىنان كەيىن جول قاۋىپسىزدىگى شارالارى كۇشەيتىلەدى، – دەپ Qamshy.kz اقپارات اگەنتتىگى حابارلايدى.

بۇل تۋرالى بۇگىن وبلىستىق ءماسليحاتتىڭ سەسسياسى كەزىندە ءوڭىر باسشىسى عالي ەسقالييەۆ ءمالىم ەتتى.

"سوڭعى كەزدەگى جول-كولىك وقيعالارىنىڭ كوبەيۋى ءبارىمىزدى الاڭداتىپ وتىر. اسىرەسە، قارشاداي قىزدىڭ قىرشىن كەتۋى قابىرعامىزعا ايازداي باتتى. جول اپاتى كوشەنىڭ جارىقتاندىرىلماعان، قاراڭعى تۇسىندا ورىن الدى. وسى وقيعاعا بايلانىستى ورال قالاسىنىڭ اكىمى ابات شىنىبەكوۆكە سوگىس جاريالاندى. جول قاۋىپسىزدىگىن قاتاڭ قاداعالاۋدى سونداي-اق بقو پوليسيا دەپارتامەنتىنە تاپسىرامىن"، – دەدى وبلىس اكىمى عالي ەسقالييەۆ.

سونداي-اق وبلىس اكىمىنىڭ ورىنباسارى امانجول الپىسبايەۆ جەتەكشىلىك ەتەتىن ۆەدومستۆوارالىق ساراپشى توپ قۇرىلدى.

 ەسكە سالساق،  ورالدا 10 جاسار قىزدى قاعىپ، قاشىپ كەتكەن جۇرگىزۋشىنىڭ ۇستالعانىن، ال قىزداردىڭ ءمايىتىن اۋىستىرىپ جىبەرگەندەردىڭ جاۋاپقا تارتىلعانىن جازعان بولاتىنبىز.