الماتى اكىمدىگىنىڭ باسپا ءسوز ورتالىعىندا «الماتى-2050» دامۋ ستراتەگياسى تۋرالى بريفينگ ءوتتى. جوبا كوپشىلىكتىڭ تالداۋىنا بيىلعى جىلدىڭ 21 قاراشاسىندا ۇسىنىلدى، دەپ حابارلايدى اكىمدىكتىڭ رەسمي سايتى.

الماتى قالاسىنىڭ ستراتەگيا جانە بيۋدجەت باسقارماسىنىڭ باسشىسى نۇرتاس قايروۆ قالانىڭ ستراتەگيالىق دامۋىنىڭ جەتى باسىمدىعى ەنگىزىلگەن قۇجات جوباسىنىڭ قالاي جاسالعانىن ءتۇسىندىردى.

قوعامدىق ساراپشىلاردىڭ قاتىسۋىمەن 23-31 قازان ارالىعىندا ادو الاڭىندا وتكەن جۇمىس سەسسيالارى بارىسىندا قالا الدىندا تۇرعان 11 شاقىرىلىم انىقتالدى.

ستراتەگيانى ازىرلەۋدىڭ جۇمىس توبىنا اكىمدىكتىڭ بارلىق باسقارمالارىنىڭ، «قالا قۇرىلىسى جوباسى ورتالىعى» ج ش س، «عزي الماتىباسجوسپار» ج ش س، سونىمەن قاتار «الماتى قالاسىن دامىتۋ ورتالىعى» اق قىزمەتكەرلەرى ەندى. ستراتەگيا جوباسىن ازىرلەۋگە الماتى قالاسى ستراتەگيا جانە بيۋدجەت باسقارماسى، اقدو، Hatch حالىقارالىق كومپانيا ماماندارى، قوعامدىق ساراپشىلار، قوعامدىق جانە ىسكەرلىك كەڭەستەر مۇشەلەرى قاتىستى، – دەپ اتاپ ءوتتى الماتى قالاسى ستراتەگيا جانە بيۋدجەت باسقارماسىنىڭ باسشىسى نۇرتاس قايروۆ.

شەتسىز قالا – بارلىق اۋدانداردا ءومىر ءسۇرۋدىڭ جوعارى ستاندارتتارى، ورتالىقتاندىرىلعان جانە قولايلى كولىگى بار مەگاپوليس. الماتى اگلومەراسياسىنىڭ يادروسى رەتىندە قالا الماتى وبلىسىنىڭ قالا ماڭىنداعى اۋداندارىمەن تىعىز بايلانىستا داميتىن بولادى. دامۋدىڭ ورتالىقتاندىرىلعان مودەلى قالانىڭ جوعارعى جانە تومەنگى، ورتالىعى مەن شەتىندەگى ايىرماشىلىقتى بولدىرماۋعا مۇمكىندىك بەرەدى.

«اقىلدى» قالا – ۇزدىك سمارت-تاجىريبەلەردى قولداناتىن مەگاپوليس. قالانى جوسپارلاۋدىڭ ساپاسىن ارتتىرۋ «اقىلدى» قالا تەحنولوگياسىن قولدانۋ ارقىلى وڭتايلى شەشىمدەر قابىلداۋعا مۇمكىندىك بەرەتىن اشىقتىق جانە مالىمەتتەرگە قولجەتىمدىلىگى ەسەبىنەن قامتاماسىز ەتىلەدى.

تەڭ مۇمكىندىكتەر قالاسى – ءتۇرلى مۇمكىندىكتەرى بار ينكليۋزيۆتى-ادامي ورتا قالاسى. تولىق اشىقتىق جانە اتاۋلى الەۋمەتتىك كومەك قامتاماسىز ەتىلەدى. ونى الۋ ۋاقىتى قىسقارادى. «كەدەرگىسىز» ورتا قۇرىلادى – «بارلىعى ءۇشىن موبيلدىلىك» قاعيداسى بويىنشا مۇمكىندىگى شەكتەۋلى جاندارعا قالا ينفراقۇرىلىمى تولىق قولجەتىمدى بولادى.

ءقاۋىپسىز قالا – قىلمىس جانە توتەنشە جاعداي ءقاۋپىنىڭ تومەن دەڭگەيلى قالاسى. الشاق مونيتورينگ جۇيەسى مەن حابارلاۋدىڭ وزىق سيفرلى ينفراقۇرىلىمى جاسالادى. ول قىلمىستىڭ دەڭگەيىن تومەندەتەدى، جول قوزعالىسى قاۋىپسىزدىگىن ارتتىرادى جانە توتەنشە جاعدايدى ەسكەرتەدى.

جوعارى ستاندارتتى ەكولوگيا، قورشاعان تابيعي ورتا مەن قالا ينتەگراسياسى بار جاسىل قالا. قالانىڭ «جاسىل جۇيەسى» قۇرىلادى. ول قالانىڭ ەكوجۇيەسىن بىرىكتىرەدى مەن بيوالۋانتۇرلىلىكتى قولدايتىن بولادى. تاۋلار شەكسىز رەكرەاسيونالدىق جۇكتەمەدەن جانە قۇرىلىستان قورعالادى.

جاھاندىق ىسكەرلىك ورتالىق – ەكونوميكالىق بەلسەندى يننوۆاسيالىق قالا، جاڭا جىبەك جولى ورتالىعىنداعى كولىك-لوگيستيكالىق حاب. ينۆەستيسيانى، تەحنولوگيانى جانە تالانتتاردى تارتاتىن ورتالىق. ساپالى ادامي كاپيتالدىڭ ينتەللەكتۋالدى-كرەاتيۆتى مۇمكىندىكتەرى قالانى دامىتۋدىڭ مۇلتىكسىز رەسۋرستارى بولادى.

مادەني كرەاتيۆتى قالا – مودا مەن ستاندارتتاردى قالىپتاستىراتىن ءبىلىمنىڭ، تۇرمىستىڭ جانە بۇقارالىق مادەنيەتتىڭ جوعارى دەڭگەيى بار سۋپەرزاماناۋي قالا. مادەني ينفراقۇرىلىمداعى ايىرماشىلىقتى جويۋ ماقساتىندا سالاۋاتتى قوعام نەگىزىندە مادەنيەت سالاسى مودەرنيزاسيالانادى.

بۇل باعىتتار قالانى دامىتۋ بولجامىن قالىپتاستىردى. بۇل جۇمىس ىستەۋگە جانە ءومىر سۇرۋگە تارتىمدى جاھاندىق قالا، ورتالىق ازيانىڭ زياتكەرلىك جانە مادەني استاناسى.

ساپالى قالا ورتاسىن قۇرۋ، ادامي كاپيتالدى دامىتۋ، ءجوعارىتيىمدى ەكونوميكا، سونىمەن قاتار قالانى ءتيىمدى باسقارۋ قالانى تۇراقتى دامىتۋدىڭ ستراتەگيالىق باستى باعىتتارى بولىپ تابىلادى.

ستراتەگيا جوباسى قوعامدىق تالقىلاۋ جانە ۇسىنىستار مەن پىكىرلەرىن بەرۋ ءۇشىن Almaty-2050.kz سايتىندا جاريالاندى. سايت جۇمىس ىستەگەن العاشقى تاۋلىكتە وعان 6،8 مىڭ ادام قاراعان جانە 200-دەن استام پىكىر مەن ۇسىنىس قالدىرىلعان.