قوستانايدا قوقىس كونتەينەرىنەن جاڭا تۋعان شاقالاقتىڭ دەنەسى تابىلدى. بۇل تۋرالى وبلىستىق پوليسيا دەپارتامەنتىنىڭ باسپا ءسوز قىزمەتى ءمالىم ەتتى، – دەپ Qamshy.kz اقپارات اگەنتتىگى حابارلايدى.

ۆەدومستۆونىڭ مالىمدەۋىنشە، 23 قاراشا كۇنى "102" پۋلتىنە اۋەجاي شاعىن اۋدانىنداعى كونتەينەرلەردىڭ بىرىندە جاڭا تۋعان نارەستەنىڭ ءولى كۇيدە تابىلعانى تۋرالى حابارلاما تۇسكەن.

"وقيعا ورنىنا مۇددەلى قىزمەتتەر مەن پوليسيا دەپارتامەنتىنىڭ باسشىلىعى شىقتى. بالا ءولى تابىلدى. ءقازىر وسى فاكتى بويىنشا سوتقا دەيىنگى تەرگەۋ جۇرگىزىلۋدە. بالانىڭ اناسىن، سونداي-اق بولعان وقيعانىڭ بارلىق ءمان-جايلارىن انىقتاۋعا باعىتتالعان جەدەل-ىزدەستىرۋ شارالارى باستالدى. پوليسيا قىزمەتكەرلەرى جاقىن ماڭداعى ۇيلەرگە بارىپ، ساۋالناما الادى، كۋاگەرلەر ىزدەستىرىلەدى"، – دەيدى پوليسيا دەپارتمەنتى.

شاقالاقتىڭ ءولىم سەبەبى مەن ۋاقىتى تاعايىندالعان سوت-مەديسينالىق ساراپتاما كەزىندە انىقتالاتىن بولادى.

قازىرگى تاڭدى ىزدەستىرۋ جۇمىستارىنا كينولوگتار دا تارتىلدى. بۇل قىلمىستىق ءىس پوليسيا دەپارتامەنتى مەن وبلىس پروكۋراتۋراسى باسشىلىعىنىڭ باقىلاۋىنا الىندى.