سۋرەتشى رەنات ەلۋبايەۆ ۇلتتىق ارناداعى "اشىق الاڭ" باعدارلاماسىندا الەمدىك دەڭگەيدە جاقۇت سانالاتىن انايى سۋرەتتەردى سالۋ قازاقتىڭ بولمىسىنا كەلمەيدى دەپ پىكىر ءبىلدىردى.
ودان وزگە سۋرەتشى باعدارلاما بارىسىندا ادامزاتتىڭ ءدىني، يدەولوگيالىق يدەيالاردىڭ سوڭىنان شەكتەن تىس ەرىپ كەتۋى ۇلكەن قاسىرەتتەرگە ۇرىندىراتىنىن ايتتى.
ونىڭ سوزىنشە، ادام تىم ءدىنشىل بولعان سايىن وزگە ادامنىڭ قۇقىعىن شەكتەيدى
رينات ەلۋباي: "قانداي سۋرەت سالسادا ادامنىڭ ءوز ەركى. ءبىراق، ءبىز ءبىر نارسەنى ۇمىتپاۋىمىز كەرەك. ءبىز كىمبىز؟ قازاقپىز! ءبىزدىڭ ءوزىمىزدىڭ ءدىنىمىز، ءدىلىمىز، وزىندىك ءداستۇرىمىز بەن بولمىسىمىز بار. مىسالى مەن ەۋروپاعا ەلىكتەپ، ماحاببات ساياباعىندا جارتىلاي جالاڭاش قازاق قىزىنىڭ سۋرەتىن قويۋعا مۇلدەم قارسىمىن. سەبەبى، ءبىزدىڭ مەنتاليتكە كەلمەيدى.
اتالعان ولقىلىقتاردىڭ ورنىن تولتىرۋ ورنىنا سونى ماقۇلداپ جاتىر. سۋرەتتى تەكسەرەتىن ارنايى كوميسسيالاردىڭ ءوزى شالا قازاقتار. ياعني قازاق ۇلتىنا، مادەنيەتىنە دىنىنە قارسى ادامدار. قازاق بوپ تۋعان ءبىز ورتانى ۇستانۋىمىز قاجەت.
ەۋروپادا ونەردە دامىعانىمەن، ولاردا انايى دۇنيەلەردى كورسەتۋ ارقىلى شەكتەن شىعىپ وتىر. ولاردىڭ ويىنشا، بىرەۋدىڭ ۇياتسىز جەرىن سالۋ – ونەر. بىزگە انايى سۋرەتتىڭ قاجەتى جوق، كريتەريي جاساۋىمىز كەرەك".
پىكىر قالدىرۋ