قازاقستاننىڭ ءبىلىم جانە عىلىم مينيسترلىگىنە قاراستى ۇلتتىق تەستىلەۋ ورتالىعىنىڭ بۇرىنعى باس ديرەكتورى رامازان ءالىمقۇلوۆ پارا العانى ءۇشىن سوتتالدى. بۇل تۋرالى سىبايلاس جەمقورلىققا قارسى ءىس-قيمىل اگەنتتىگىنىڭ باسپا ءسوز قىزمەتى مالىمدەدى.
ۆەدومستۆونىڭ حابارلاۋىنشا، مامىر ايىندا پارا الدى دەگەن كۇدىككە ىلىنگەن ءالىمقۇلوۆتىڭ ىسىنە قاتىستى جۇرگىزىلگەن سوتقا دەيىنگى تەرگەۋ اياقتالعان.
"ول ءقوناقۇي قىزمەتىن كورسەتۋ بويىنشا شارتتاردى بۇزباي، ۇزارتىپ، ونداعى ورىندالعان جۇمىس اكتىلەرىنە كەدەرگىسىز قول قويدى، سونداي-اق 5 ملن تەڭگە سوماسىندا پارا الدى دەپ ايىپتالدى. 22 قاراشادا نۇر-سۇلتان قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىنىڭ ۇكىمىمەن ءالىمقۇلوۆ پارا الدى دەپ ايىپتالىپ، 3،5 جىلعا باس بوستاندىعىنان ايىرىلدى. اتالعان تۇلعا مەملەكەتتىك قىزمەتتە لاۋازىم يەلەنۋ قۇقىعىنان ءومىر بويىنا ايىرىلدى» دەلىنگەن اگەنتتىكتىڭ حابارلاماسىندا.
رامازان ءالىمقۇلوۆ بيىل مامىر ايىندا "دەلدالدار ارقىلى جۇيەلى تۇردە ءىرى كولەمدە پارا العان" دەگەن كۇدىكپەن ۇستالعان.
پىكىر قالدىرۋ