2019 جىلدىڭ 24 قاراشاسىندا تۇنگى 03.45-تە باستالعان قار 25 قاراشا دۇيسەنبىنىڭ كەشكى ۋاقىتىنا دەيىن ءتۇسۋى بولجانۋدا. قار جامىلعىسىنىڭ بيىكتىگى ساعات تاڭعى 09.00-دە 3-5 سم، ال تاۋ بوكتەرىندە 10 سم-گە دەيىن جەتتى.
كوممۋنالدىق قىزمەتتەر قار جاۋعاننان باستاپ جولعا تايعاققا قارسى ماتەريالدار سەبۋدە. ساعات 09.00-دەگى جاعداي بويىنشا قالا اۋماعىنداعى جولدىڭ ءجۇرۋ بولىگىنىڭ 95 پايىزى تازالانىپ، تايعاققا قارسى 2160 توننا ماتەريالدار پايدالانىلدى. كۇندىزگى ۋاقىتتا 444 ارنايى تەحنيكا جۇمىلدىرىلىپ، ارتىنان 534-كە دەيىن كوبەيتىلدى. جول جۇمىسشىلارىنىڭ سانى 1760 ادامدى قۇرادى. 24 قاراشا كۇنى كۇندىزگى ۋاقىتتا جالپى پايدالانۋ ورىندارى، اتاپ ايتقاندا، تروتۋارلاردى، قوعامدىق كولىك ايالدامالارىن، جاياۋ جۇرگىنشىلەر ايماقتارىن تازالاۋعا ەرەكشە كوڭىل بولىنەدى. اۋداندىق اكىمدىكتەردە جانە قالا اكىمدىگىندە قاردى جيناۋ جانە شىعارۋ بويىنشا جۇمىستاردىڭ جۇرگىزىلۋىن باقىلاۋ بويىنشا تاۋلىك بويى كەزەكشىلىك ۇيىمداستىرىلدى.
الماتى قالاسىنىڭ جاسىل ەكونوميكا باسقارماسى
پىكىر قالدىرۋ