"Nur Otan" پارتياسىنىڭ ءاربىر ءوڭىر، قالا جانە اۋدان بويىنشا سايلاۋالدى باعدارلاماسى ازىرلەنۋى ءتيىس. بۇل تۋرالى "Nur Otan" پارتياسىنىڭ وڭىرلىك فيليالدارى وكىلدەرىنىڭ قاتىسۋىمەن وتكەن كەڭەستە ق ر تۇڭعىش پرەزيدەنتى نۇرسۇلتان نازاربايەۆ ايتتى، – دەپ Qamshy.kz اقپارات اگەنتتىگى حابارلايدى.

 "Nur Otan" پارتياسىنىڭ ءتوراعاسى ءاربىر ءوڭىر، قالا جانە اۋدان بويىنشا سايلاۋالدى باعدارلامانىڭ دايىندالۋىن قامتاماسىز ەتۋدى تاپسىردى.

"كەلەسى جىلى اۋماقتاردى دامىتۋدىڭ بەس جىلدىق باعدارلاماسىن جۇزەگە اسىرۋ اياقتالادى. جاڭا باعدارلاما قابىلداۋ قاجەتتىلىگى جاڭا ەلەكتورالدىق سيكلمەن تۇسپا-تۇس كەلىپ تۇر. سوندىقتان جاڭا باعدارلاما ءاربىر ءوڭىر بويىنشا ءماسليحات سايلاۋىنا ارنالعان پارتيانىڭ سايلاۋالدى باعدارلاماسىنىڭ نەگىزى بولۋى ءتيىس. ءماجىلىس سايلاۋىنداعى Nur Otan پارتياسىنىڭ سايلاۋالدى باعدارلاماسىنا قاتىستى ايتار بولسام، وندا پرەمەر-مينيستر ساياسي كەڭەس بيۋروسىنىڭ مۇشەسى رەتىندە بۇل جۇمىستى جەكە باسقارۋى قاجەت جانە قازىردەن باستاپ بۇل باعدارلامانى ازىرلەۋگە كىرىسۋى ءتيىس"، - دەدى قازاقستاننىڭ تۇڭعىش پرەزيدەنتى.