ۇلىبريتانيانىڭ ەسسەكس گرافتىعىندا قايتىس بولعان 39 ۆەتنامدىققا قاتىستى تىڭ دەرەكتەر پايدا بولدى. جەرگىلىكتى پوليسيا قىزمەتكەرلەرى قازا تاپقانداردىڭ سۋرەتى مەن تۋىستارىنا جازعان حاتىن جاريالادى دەپ جازادى Qamshy.kz اقپارات اگەنتتىگى dailymail.co.uk سايتىنىڭ دەرەگىن نەگىزگە الىپ.  

فام تحا ترا سول كۇنى ءوزىنىڭ اناسىنا جۇرەك ەلجىرەتەرلىك حات جازعان. 

"اناشىم، كەشىر مەنى. مەنىڭ شەتەلگە ساياحاتىم ءساتتى اياقتالمادى. سەنى دە، اكەمدى دە قاتتى-قاتتى جاقسى كورەمىن. مەن ولەيىن دەپ جاتىرمىن. بۇل مەنىڭ سوڭعى دەمىم سەكىلدى. ويتكەنى دەم الۋ مۇمكىن ەمەس"، - دەپ جازعان اناسىنا. 

وتباسى قىزىنىڭ ۇلىبريتانياعا بارۋ ءۇشىن 30 مىڭ فۋنت ستەرلينگ تولەگەنىن جانە ول جاڭا ءومىر باستاعىسى كەلگەنىن ايتقان. 

سونداي-اق 20 جاستاعى نگۋەن دين لۋون دا قازا تاپقانداردىڭ قاتارىندا بولۋى مۇمكىن. ول دا ولەر الدىندا وتباسىنان كەشىرىم سۇراپ حات جازدى. 

ەسكە سالايىق، 23 قازاندا ەسسەكس گرافتىعىنىڭ پوليسياسى ۇلىبريتانياعا بەلگيادان كەلگەن جۇك كولىگىنەن 39 ادامنىڭ ءمايىتىن تاپتى.