بۇل تۋرالى الماتى قالاسىنىڭ بيىلعى جىلدىڭ 10 ايىنداعى الەۋمەتتىك ەكونوميكالىق دامۋ قورىتىندىلارىنا ارنالعان ورتالىق كوممۋنيكاسيالار قىزمەتىندەگى باسپا ءسوز كونفەرەنسياسىندا باقىتجان ساعىنتايەۆ ءمالىم ەتتى.

الماتى اكىمى باقىتجان ساعىنتايەۆ قالالىقتاردىڭ ءومىر ءسۇرۋ ساپاسىن ارتتىرۋداعى ءبىرىنشى كەزەكتەگى ماسەلە رەتىندە قالالىق ينفراقۇرىلىمدى مودەرنيزاسيالاۋدى قولعا العانىن ايتتى.

وڭتۇستىك استانانىڭ 23 ىقشاماۋداندارىنداعى 105 مىڭ تۇرعىن 2023 جىلى اۋىز سۋمەن 100% قامتاماسىز ەتىلمەك. بۇگىندە سۋ قۇبىلارى مەن كارىز جەلىلەرىن تارتۋ جۇمىستارى باستالدى.

كوشە جارىعى – قوعامدىق قاۋىپسىزدىكتى قامتاماسىز ەتۋگە تىكەلەي جانە جاناما ىقپال ەتەتىن فاكتورلاردىڭ ءبىرى.

– ءبىز قالا بيۋدجەتىن بۇرىن ەش جارىعى بولماعان كوشەلەردى جارىقتاندىرۋعا باعىتتادىق. قازىرگى كەزدە وسىنداي 208 كوشەنىڭ سىرتقى جارىعىنىڭ قۇرىلىسى اياقتالدى، – دەدى باكىتجان ساعىنتايەۆ.

كەلەر جىلى 1176 كوشەنىڭ جارىعى رەتتەلمەك. وسىلايشا، سىرتقى جارىق دەڭگەيى 100%-عا دەيىن جەتەدى.

ايتا كەتەرلىگى، الماتىنىڭ اباتتاندىرىلعان اۋلالارىنىڭ ۇلەسى – 55%. جىل باسىنان بەرى 672 اۋلالار اباتتاندىرىلدى. 2020 جىلدان «مەنىڭ اۋلام» اۋقىمدى باعدارلاماسىن جۇزەگە اسىرۋ قولعا الىنادى. اۋلالاردى تولىق اباتتاندىرۋ تاياۋداعى ەكى جىل ىشىندە اياقتالادى.