2019 جىلعى 21 قاراشادا شىعىس قازاقستان وبلىسىنىڭ قورعانىس ىستەرى جونىندەگى دەپارتامەنتى شقو ىشكى ساياسات باسقارماسى جانە «پروگرەسس كاتاليزاتورى» جەكە قورىمەن بىرلەسە وتىرىپ، «قازىرگى جاعدايدا جاستارعا اسكەري-پاتريوتتىق تاربيە بەرۋ» تاقىرىبىندا دوڭگەلەك ۇستەل وتكىزدى. ءىس-شارا جاستار جىلى جانە قازاقستان رەسپۋبليكاسىنىڭ قورعانىس مينيسترلىگى باستاماسىمەن وتكىزىلەتىن «ەل تىرەگى» اكسياسى اياسىندا ۇيىمداستىرىلدى. دوڭگەلەك ۇستەلگە قازاقستان رەسپۋبليكاسىنىڭ قورعانىس كۇشتەرىنىڭ ارداگەرلەرى مەن وفيسەرلەرى، ۇكىمەتتىك ەمەس جاستار ۇيىمدارىنىڭ، وسكەمەن قالاسىنىڭ جوعارى وقۋ ورىندارىنداعى جاستار ءوزىن-وزى باسقارۋ ورگاندارىنىڭ، سونداي-اق مۇددەلى مەملەكەتتىك ورگانداردىڭ وكىلدەرى قاتىستى.

ءىس-شارانىڭ شىمىلدىعىن شىعىس قازاقستان وبلىسىنىڭ قورعانىس ىستەرى جونىندەگى دەپارتامەنتى باسشىسىنىڭ ورىنباسارى، مايور ەرلان رامازانوۆ اشتى. ءوز سوزىندە ول جاستارعا اسكەري-پاتريوتتىق تاربيە بەرۋ تەك اتالمىش دوڭگەلەك ۇستەلدىڭ كۇن تارتىبىندە عانا ەمەس، بۇكىل قازاقستاندىق قوعامنىڭ الدىندا كەسە-كولدەنەڭ تۇرعان وزەكتى ماسەلە ەكەندىگىن اتاپ ءوتتى. «جاھاندانۋ ادەمى، زامانۋي سوزدەر تىزىمىنەن شىعىپ، قازىرگى جاھاندىق ناقتىلىقتىڭ سيپاتتى بەلگىسىنە الدەقاشان اينالىپ ۇلگەرگەن. ءتورتىنشى ونەركاسىپتىك ريەۆوليۋسيا كەزەڭىنە اياق باسقان جانە الەمنىڭ ەڭ دامىعىن 30 ەلىنىڭ قاتارىنا قوسىلۋدى مىسە تۇتقان قازاقستانعان جاڭا جاعدايدا ارەكەت ەتۋگە قاۋقارلى، ءوز ءبىلىمى مەن قارىم-قابىلەتىنە سەنىم ارتاتاتىن جاستار قاجەت. الايدا، جاستاردىڭ قۇندىلىق باعىتتارى تولىققاندى قالىپتاسىپ ۇلگەرمەگەندىگىن دە ەسكەرۋىمىز شارت. بۇل ورايدا ولاردىڭ بەت تۇزەر قۇبىلاسى، ۇلگى تۇتار تۇلعاسى، مىنا، ءبىز، اعا بۋىن ەكەندىگىمىزدى ۇمىتپاۋىمىز ءتيىس. جاستارعا اسكەري-پاتريوتتىق تاربيە بەرۋدە، ولاردىڭ بويىندا پارىقسىز پاڭدىقتىڭ ەمەس، نامىستىڭ، ءوز ەلى ءۇشىن ماقتانىش سەزىمىنىڭ، ادامگەرشىلىك پەن وزگە دە جالپىادامزاتتىق قۇندىلىقتاردىڭ قالىپتاسۋىنا، ەڭ اۋەلى، ءبىز جاۋاپتىمىز» - دەدى ەرلان رامازانوۆ.

سونىمەن قاتار، دوڭگەلەك ۇستەل جۇمىسىنىڭ بارىسىندا شىعىس قازاقستان وبلىسىنىڭ قورعانىس ىستەرى جونىندەگى دەپارتامەنتىنىڭ اعىمداعى جىلى اتقارعان جۇمىسى تانىستىرىلدى. جاستارعا اسكەري-پاتريوتتىق تاربيە بەرۋگە باعىتتالعان ءىس-شارالار از بولعان جوق. ماسەلەن، 2019 جىلى 11-12 قازاندا جاستار جىلى اياسىندا شقو ىشكى ساياسات باسقارماسىمەن جانە «پروگرەسس كاتاليزاتورى» جەكە قورىمەن بىرلەسە وتىرىپ، «ۇلان» اسكەري-پاتريوتتىق جانە ازاماتتىق تاربيە بەرۋ ورتالىعىندا شقو اكىمىنىڭ سىيلىعىنا ارنالعان «ايبىن» VI وبلىستىق اسكەري-پاتريوتتىق جيىندارى وتكىزىلدى. ءىس-شارا اسكەري-پاتريوتتىق تاربيە بەرۋدى دامىتۋعا، اسكەري قىزمەتتى ناسيحاتتاۋعا جانە قازاقستان رەسپۋبليكاسىنىڭ قورعانىس كۇشتەرىنىڭ مارتەبەسىن ارتتىرۋعا باعىتتالدى. بايقاۋلار، پرەزەنتاسيالار جانە سپورتتىق اسكەري-قولدانبالى تۇرلەرى بويىنشا ءتۇرلى جارىستار، اسكەري كروسس، پنيەۆماتيكالىق قارۋدان اتۋ جارىسى، «ايبىن داۋىسى» ۆوكالدىق فەستيۆالى، اسكەري ەستافەتا ۇيىمداستىرىلدى.

ءىس-شارا اياسىندا روبوتوتەحنيكا بويىنشا «مەنىڭ روبوتىم» اتتى بايقاۋ جانە «IQazaqstan» زياتكەرلىك ويىنى وتكىزىلدى. بايقاۋ ناتيجەلەرى بويىنشا باس جۇلدەگە «جاس قىران» توبى (سەمەي ق.) يە بولدى. ءى ورىنعا «جاس ساقشى» توبى (جارما اۋدانى) تابان تىرەسە، ءىى ورىندى «ايبىن» توبى (زايسان اۋدانى) الدى. ال «جاس بۇركىت» توبى (وسكەمەن ق.) ءىىى ورىندى قاناعات تۇتتى.

2019 جىلعى 29-31 قازاندا وسكەلەڭ ۇرپاقتى قازاقستاندىق پاتريوتيزم رۋحىندا تاربيەلەپ، ولاردىڭ ازاماتتىق سانا-سەزىمىن قالىپتاستىرۋ ماقساتىندا سەمەي قالاسىنىڭ ش.ءۋاليحانوۆ اتىنداعى «جاس ۇلان» دارىندى ەر بالالارعا ارنالعان مامانداندىرىلعان مەكتەپ-ليسەي-ينتەرناتىندا «الاۋ» وبلىستىق اسكەري-سپورتتىق ويىندارى ۇيىمداستىرىلدى. جارىسقا   شىعىس قازاقستان وبلىسىنىڭ قالالارى مەن اۋداندارىنداعى «جاس سارباز» مامانداندىرىلعان سىنىپتارىنىڭ 7-8 سىنىپ وقۋشىلارى قاتارىنان 126 وقۋشى قاتىستى.

سونىمەن قاتار، 2019 جىلعى 19-20 قاراشادا وبلىستىڭ 19 قالاسى مەن اۋدانىندا اسكەري-پاتريوتتىق كلۋبتار مەن «جاس سارباز» مامانداندىرىلعان سىنىپتارىنىڭ وكىلدەرىنە ارنالعان شەبەرلىك سىنىپتارى ۇيىمداستىرىلدى.

«بۇگىنگى تاڭدا قازاقستان ءوز تاريحىندا بەتبۇرىستى كەزەڭدى باستان كەشىرۋدە. پاتريوتتىق تاربيە بەرۋ جانە تاريحي سانانى جاڭعىرتۋ ماسەلەلەرى ءوز ماڭىزدىلىعى بويىنشا ءبىرىنشى كەزەككە شىقتى. ءبىزدىڭ الدىمىزدا ماڭىزدى مىندەت تۇر، ول – جاستارعا اسكەري-پاتريوتتىق تاربيە بەرۋ جانە جاس، تابىستى قازاقستاندىقتاردىڭ جاڭا لەگىن قالىپتاستىرۋ» - دەپ ءوز ءسوزىن قورىتىندىلادى شىعىس قازاقستان وبلىسىنىڭ قورعانىس ىستەرى جونىندەگى دەپارتامەنتى باسشىسىنىڭ ورىنباسارى، مايور ەرلان رامازانوۆ.

سونداي-اق، دوڭگەلەك ۇستەل قاتىسۋشىلارىمەن شىعىس قازاقستان وبلىسىنىڭ ىشكى ساياسات باسقارماسى جاستارمەن جۇمىس جونىندەگى ءبولىمىنىڭ باسشىسى ەركەبۇلان بالتابەكوۆ، س.امانجولوۆ اتىنداعى شقمۋ اسكەري كافەدراسىنىڭ مەڭگەرۋشىسى، زاپاستاعى مايور قۇنداقبايەۆ مالىك مۇراتبەك ۇلى، «جاس سارباز» بالالار-جاسوسپىرىمدەر اسكەري-پاتريوتتىق قوزعالىسى» رەسپۋبليكالىق قوعامدىق بىرلەستىگىنىڭ شىعىس قازاقستان وبلىستىق فيليالىنىڭ جەتەكشىسى انجيكوۆ ارىستانبەك سەرىكبەك ۇلى، قازاقستان رەسپۋبليكاسىنىڭ قارۋلى كۇشتەرى ارداگەرلەرى كەڭەسىنىڭ شىعىس قازاقستان وبلىستىق فيليالىنىڭ ءتوراعاسى بەليالوۆ توكەن ءجۇنىس ۇلى، د.سەرىكبايەۆ اتىنداعى شقمتۋ اسكەري كافەدراسىنىڭ مەڭگەرۋشىسى، زاپاستاعى پودپولكوۆنيك ءسالىمجانوۆ باتىرحان سەيىلقان ۇلى، اۋعانستان سوعىسى ارداگەرلەرى كەڭەسىنىڭ شىعىس قازاقستان وبلىستىق فيليالى ءتوراعاسىنىڭ ءبىرىنشى ورىنباسارى سامالتىروۆ مۇحامەتالي ايتپەك ۇلى، شقو ءىسب «جاستار رەسۋرستىق ورتالىعى» كمم ديرەكتورى ارايلىم ەسىمبەكوۆا ءوز ويلارىمەن ءبولىستى.

اتالمىش دوڭگەلەك ۇستەل جاستاردى تاربيەلەۋ ءىسى سالاسىنداعى وزەكتى ماسەلەلەر تالقىعا تۇسكەن، سونىمەن قاتار، اعا بۋىن جانە ەلگە قىزمەت ەتۋدىڭ جارقىن مىسالدار مەن قوعام قالىپتاستىراتىن يدەالدار نەگىزىندە تۇلعا رەتىندە قالىپتاساتىن قازاقستاندىقتاردىڭ جاس تولقىنىن ءبىر ماسەلەنىڭ اينالاسىنا توپتاستىرا بىلگەن وزىندىك الاڭعا اينالدى.