2019 جىلعى 20 قاراشادا شىعىس قازاقستان وبلىسىنىڭ قورعانىس ىستەرى جونىندەگى دەپارتامەنتى «پروگرەسس كاتاليزاتورى» جەكە قورىمەن جانە شقو ىشكى ساياسات باسقارماسىمەن بىرلەسە وتىرىپ، شىعىس قازاقستان وبلىسىنىڭ 19 قالاسى مەن اۋدانىندا تاكتيكالىق دايىندىق بويىنشا اسكەري-پاتريوتتىق كلۋبتار مەن «جاس سارباز» مامانداندىرىلعان سىنىپتارىنىڭ وكىلدەرىنە ارنالعان شەبەرلىك سىنىپتارىن وتكىزدى. ءىس-شارا وسكەلەڭ ۇرپاقتىڭ بويىنا جوعارى ازاماتتىق بەلسەندىلىكتى، وتانسۇيگىشتىك سەزىمىن سىڭىرۋگە، رۋحاني-ادامگەرشىلىك قۇندىلىقتارىن دامىتۋعا، تۇلعانى قالىپتاستىرۋعا جانە وتان الدىنداعى جاۋاپكەرشىلىكتى وياتۋعا، سالاۋاتتى ءومىر سالتىن جانە جاستار اراسىندا دەنە شىنىقتىرۋ مادەنيەتىن، سپورتتىڭ اسكەري-قولدانبالى تۇرلەرىن ناسيحاتتاۋعا باعىتتالدى.
ءىس-شارانىڭ ۇيىمداستىرۋشىلارى كەلەسىدەي مىندەتتەردى شەشۋدى العا قويدى:
- ادامگەرشىلىك جانە پاتريوتتىق تاربيەلەۋ سالاسىنداعى مەملەكەتتىك جاستار ساياساتىن جۇزەگە اسىرۋ؛
- جاستاردى اسكەري قىزمەتكە دايىنداۋعا ىقپالداسۋ؛
- سپورتتىڭ تەحنيكالىق جانە اسكەري-قولدانبالى تۇرلەرىن دامىتۋ؛
- زياتكەرلىك جانە فيزيكالىق بەلسەندىلىگىن دامىتۋ؛
- قازاقستاننىڭ اسكەري-تاريحي مۇراسىن زەردەلەۋ جانە ساقتاۋ؛
- جاستارعا اسكەري-پاتريوتتىق تاربيە بەرۋ بويىنشا جاپپاي اعارتۋشىلىق جۇمىستى ۇيىمداستىرۋ.
ءىس-شارانىڭ ءبىرىنشى بولىمىندە قاتىسۋشىلارعا اۆتومات بولىكتەرىنىڭ قۇرىلىسى جانە ونىڭ جۇمىس ىستەۋ مەحانيزمى، جاپپاي زاقىمداۋ قۇرالدارىنان قورعانۋدىڭ ادىس-تاسىلدەرى بويىنشا تەوريالىق ءبىلىم بەرىلدى. ەكىنشى بولىمدە قاتىسۋشىلار اۆتوماتپەن اتۋ كەزىندە دەنەنى دۇرىس ۇستاۋ، جاتىپ اتۋ كەزىندەگى ساربازدىڭ ءوزىن دۇرىس ۇستاۋدى ۇيرەندى. گازتۇتقىشتى جانە جالپى اسكەري قورعانىس كومپلەكتىسىن كيۋ، سونىمەن قاتار اۆتوماتتى جارتىلاي بولشەكتەۋ جانە جيناۋ بويىنشا شەبەرلىك-سىنىپتارى وتكىزىلدى.
جاستارعا اسكەري-پاتريوتتىق تاربيە بەرۋ – كەز-كەلگەن مەملەكەتتىڭ الدىندا كەسە-كولدەنەڭ تۇرعان باستى مىندەتتەردىڭ ءبىرى. سوندىقتان وسى تەكتەس ءىس-شارالار جاي عانا الەمدىك ترەند ەمەس، سونىمەن قاتار «پاتريوت» دەگەندى جاي ءسوز رەتىندە عانا ەمەس، ءوز ەلىن وركەندەتۋگە باستايتىن تەرەڭ ماعىنالى ۇعىم رەتىندە سانايتىن جاس ۇرپاقتى تاربيەلەۋدىڭ ءبىر قۇرالى بولىپ تابىلادى.
پىكىر قالدىرۋ