قازاقستاندا سوڭعى 4 جىلدا تاۋار باعاسى، جالاقىعا قاراعاندا 3-4 ەسەگە وسكەن. بۇل تۋرالى «اتامەكەن» ۇلتتىق كاسىپكەرلەر پالاتاسىنىڭ ءتورالقا ءتوراعاسى تيمۋر قۇلىبايەۆ ايتتى، Qamshy.kz اقپارات اگەنتتىگى LS سايتىنا سىلتەمە جاساپ.

ءماجىلىس دەپۋتاتتارىمەن كەزدەسكەن تيمۋر قۇلىبايەۆتىڭ سوزىنشە، ءتورت جىلدا ازىق-تۇلىك تاۋارلارىنىڭ باعاسى 37 پايىزعا، وزگە تاۋارلاردىڭ باعاسى 42 پايىزعا قىمباتتاعان. ال تۇرعىنداردىڭ شىنايى تابىسى 11 پايىزعا ءوسىپتى.

– تۇرعىندار ءبىرىنشى قاجەتتىلىكتەگى زاتتاردى الۋعا قاراجاتتارى بولماعاندىقتان، ماسەلەنى تۇتىنۋشىلىق نەسيەلەر ارقىلى شەشۋگە ءماجبۇر. ازاماتتاردىڭ نەسيەگە جۇگىنۋ كورسەتكىشى 22 پايىزعا ارتىپ، 6،2 ترلن تەڭگەگە دەيىن جەتتى. بۇل – ۇلكەن تاۋەكەلدى ءۇردىس. نەسيەلەردىڭ جارتىسىنان كوبى كەپىلزاتسىز بەرىلگەن، – دەدى ت.قۇلىبايەۆ.

تۇيىتكىل ءتۇيىنىن تارقاتۋ ءۇشىن بيۋدجەتتىك سالادا ەڭبەك ەتەتىن 1،6 ملن ادامدىڭ جالاقىسىنا تۇبەگەيلى ءوسىم كەرەك. بيۋدجەت قىزمەتكەرلەرىنىڭ ەڭبەكاقى قورى 2،2 ترلن تەڭگە ەكەنىن ەسكەرسەك، تۇبەگەيلى وسگەرىس ەنگىزۋ ءۇشىن الداعى ءۇش جىلدا تاعى 2،9 ترلن تەڭگە قاجەت. ياعني جىل سايىن 1 ترلن تەڭگەگە جۋىق قارجى جۇمسالۋى كەرەك.

الايدا تۇرعىندار تابىسىنىڭ ءوسىمىن بيۋدجەتتىك شىعىندار ارقىلى عانا شەشۋ مۇمكىن ەمەس. ەڭبەككە جارامدى حالىقتىڭ 80 پايىزى مەملەكەتتىك ەمەس سەكتوردا جۇمىس ىستەيتىنىن ەسكەرسەك، ناقتى سالالاردى دامىتۋ قاجەتتىلىگى تۋىندايدى.