بۇل ماسەلە ءالى دە كوپشىلىكتى كەڭىنەن تولعاندىرىپ وتىرعانى راس. ويتكەنى ونىڭ سوڭعى نۇسقاسى بۇگىنگى كۇنگە دەيىن تولىققاندى جاسالىنعان جوق. ءبىراق كۇن تارتىبىندە تاعى ءبىر ماسەلە تۇر. ەگەر لاتىن ءالفاۆيتى تۇبەگەيلى ماقۇلدانسا، وندا قاي جىلدان باستاپ لاتىن قارپىندەگى وقۋلىقتار شىعا باستايدى؟
وسىعان قاتىستى ءبىلىم جانە عالىم ءمينيسترى اسحات ايماعامبەتوۆ ءوز پىكىرىن ايتتى. ءمينيستردىڭ ايتۋىنشا، لاتىن الىپبيىنە كوشۋ ۇزاق پروسەسس.
–لاتىن ءالىپبيىن ءالى دە بولسا جەتىلدىرۋ تۋرالى پرەزيدەنتتىڭ تاپسىرماسى بار. قازىرگى كەزدە وسىعان بايلانىستى مادەنيەت مينيسترلىگى قوسىمشا پىسىقتاۋ شارالارىن جۇزەگە اسىرىپ جاتىر. بۇل جۇمىس اياقتالعاننان كەيىن ونىڭ جازىلۋ ەرەجەلەرىن بەكىتەمىز. ازىرگە لاتىن ءقارپىنىڭ تولىققاندى ءارى اياقتالعان سوڭعى نۇسقاسى جوق. سوندىقتان ءالىپبي مەن ەرەجەلەر بەكىتىلمەي تۇرىپ، لاتىن قارپىندە وقۋلىقتار شىعارۋعا ەرتە. بەكىتىلگەننەن كەيىن بارىپ ءبىز پيلوتتىق جوبا رەتىندە ونى جۇزەگە اسىرۋعا كىرىسەمىز. نۇسقاۋلىق ادىستەمەلىك قوسىمشالار مەن وقۋلىق شىعارامىز. ءبىراق بۇل 2020 جىلى جۇزەگە اساتىن شارۋا ەمەس. وعان دايىندىق كەرەك،–دەدى ءبىلىم جانە عىلىم ءمينيسترى اسحات ايماعامبەتوۆ.
پىكىر قالدىرۋ