ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ سىرتقى كوشى-قون تۋرالى ءسوز سويلەدى دەپ جازادى Qamshy.kz اقپارات اگەنتتىگى.
ول ورتاشا ەسەپپەن جىل سايىن رەسپۋبليكا اۋماعىنان 20 مىڭ ادام كەتەتىنىن اتاپ ءوتتى. 2018 جىلى بۇل كورسەتكىش 29 مىڭ ادامدى قۇرادى.
نەگىزىنەن، قازاقستاندىقتاردىڭ كوبىسى تمد ەلدەرىنە كوشەدى. قازاقستاندىقتاردىڭ ەلدەن كوشۋىنە تاريحي وتانىنا ورالۋ، ءبىلىم الۋ جانە جۇمىسقا ورنالاسۋ سەبەپ بولعان.
ءمينيستردىڭ ايتۋىنشا، كوپتەگەن ادامدار وزدەرىنىڭ ومىرلەرىن جاقسارتىپ، لايىقتى ءارى جوعارى جالاقى الاتىن جۇمىس تابۋ ءۇشىن قازاقستاننان كەتەدى.
"كوپشىلىك جاقسى ءومىر سۇرگىسى كەلەدى. سونداي-اق جوعارى جالاقى ىزدەپ، شەتەلگە كوشەدى. بۇل اقش-تا ءجيى كەزدەسەدى"، - دەدى مينيستر.
پىكىر قالدىرۋ