ۇلان اۋدانىنىڭ پروكۋرورى ەرلان بۇلانبايەۆ جۇمىس ساپارىمەن اۋداننىڭ بارلىق اۋىلدىق وكرۋگتەرىن ارالاپ شىقتى.
كەزدەسۋ باسىندا اۋدان پروكۋرورى قىلمىسقا قارسى كۇرەس جانە ونىڭ الدىن الۋ بويىنشا ايتىپ، كەزدەسۋ سوڭىندا ازاماتتاردى جەكە قابىلدادى. ولاردىڭ كوبى مال ۇرلىعى، اليمەنت تولەۋ بويىنشا سوت شەشىمدەرىنىڭ ورىندالماۋى جانە جەر ماسەلەلەرىن قوزعادى.
ءىس-شارا سوڭىندا ەرلان بۇلانبايەۆ اۋىلداردىڭ باسىم بولىگى تاس جولداردىڭ بويىندا ورنالاسقاندىقتان، قاراۋسىز مال جول كولىك اپاتىنا جانە وڭاي ولجاعا اينالاتىندىعىن ايتتى. سونىمەن قاتار پروكۋرور قاراۋسىز جۇرگەن مال يەلەرىن اكىمشىلىك جاۋاپقا تارتىلاتىندىقتارىن ەسكەرتىپ، وكرۋگ اكىمدەرىنە جانە حالىققا ۇجىمدىق مال باعۋدى ۇيىمداستىرۋدى ۇسىندى.
قورىتىندىلاي كەلە، اۋدان پروكۋرورى اۋىل تۇرعىندارىنا قاداعالاۋ ورگانىنا سەنىم بىلدىرگەنى ءۇشىن العىسىن ءبىلدىرىپ، ءوزىنىڭ تەلەفون بەرىپ، جاڭا تەحنولوگيالار عاسىرىندا ينستاگرام ulan_prokurory پاراقشاسىن اشىپ، كەز كەلگەن سۇراقتارعا جاۋاپ بەرۋگە دايىن ەكەندىگىن ايتتى.
پىكىر قالدىرۋ