بۇعان دەيىن ەنەرگەتيكا ءمينيسترى بولعان قانات بوزىمبايەۆتىڭ پرەزيدەنت كەڭەسشىسى قىزمەتىنە تاعايىندالعانىن حابارلاعان بولاتىنبىز.
نوعايەۆ نۇرلان اسقار ۇلى 1967 جىلى 30 شىلدەدە تۋعان. ءبىلىمى جوعارى، ي.گۋبكين اتىنداعى ماسكەۋ مەملەكەتتىك مۇناي جانە گاز اكادەمياسى، قازاق مەملەكەتتىك باسقارۋ اكادەمياسى، رەسەي سىرتقى ىستەر مينيسترلىگى جانىنداعى "حالىقارالىق قاتىناستار ۋنيۆەرسيتەتى" ماسكەۋ مەملەكەتتىك ينستيتۋتىن، تاۋ-كەن ينجەنەرى، ەكونوميست، حالىقارالىق قاتىناستار مامانى، اكىمشىلىك ىسكەرلىك جونىندەگى شەبەر ماماندىقتارى بويىنشا ءبىتىرىپ شىققان.
ونىڭ ءومىربايانىندا ورىس، تۇرىك، اعىلشىن تىلدەرىن ەركىن مەڭگەرگەنى جازىلعان.
ەڭبەك جولىن اقتوبە وبلىسى، قاندىاعاش ستانسياسىندا ەلەكتر شەبەرى بولىپ باستاعان. ءار جىلدارى ماسكەۋ قالاسىنداعى "گيلي-پاسكەر" جشس-ىندا مۇناي ونىمدەرى جونىندەگى اعا ساراپشى، ءبولىم باستىعى، باس ديرەكتور، الماتى قالاسىنداعى "وترار لتد" شاعىن كاسىپورنى باس ديرەكتورىنىڭ ورىنباسارى، "قازاقتۇرىكمۇناي" جشس-ىندا ماركەتينگ جونىندەگى ينجەنەر، مۇناي جانە مۇناي ونىمدەرىن ساتۋ، ماركەتينگ ءبولىمىنىڭ باستىعى، باس ديرەكتور، "قازمۇنايگاز ۇلتتىق كومپانياسى" اق-نىڭ اتقارۋشى ديرەكتورى، ق ر ەنەرگەتيكا جانە مينەرالدى رەسۋرستار مينيسترلىگى مۇناي ونەركاسىبى دەپارتامەنتىنىڭ ديرەكتورى، باتىس قازاقستان وبلىسى اكىمىنىڭ ورىنباسارى، بقو اكىمىنىڭ ءبىرىنشى ورىنباسارى، باتىس قازاقستان وبلىسىنىڭ، اتىراۋ وبلىسىنىڭ اكىمى قىزمەتتەرىن اتقاردى.
پىكىر قالدىرۋ