بۇل سۇراققا "بولاشاق" باعدارلاماسىنىڭ ستيپەنديانتى جولداس ءورىسباي ءوزىنىڭ فەيسبۋكتاعى پاراقشاسىندا جاۋاپ بەردى.
"اقش-تىڭ ساياسي ساحناسىندا كوپتەن بەرى تالقىلانىپ جاتقان يمپيچمەنت پروسەسىنىڭ ورتا جولعى ناتيجەسى بەلگىلى بولدى. بۇگىن وكىلدەر پالاتاسىندا سوڭعى تالقىلاۋ بارىسى ءوتىپ، يمپيچمەنت ماسەلەسىنە قاتىستى داۋىس بەرىلدى. دەموكراتتار ءبىر قولدان قولداسا، رەسپۋبليكالىقتار تولىق قارسى بولدى. ال وكىلدەر پالاتاسىندا دەموكراتتار سانى كوبىرەك بولعاندىقتان، يمپيچمەنت قابىلدانىپ وتىر" دەگەن ول ايتسە دە، دونالد ترامپ پرەزيدەنتتىك پوستتان كەتپەيتىنىن ايتتى.
"ونىڭ پوستتا قالۋ نە كەتۋىن ەندىگارى سەنات شەشۋى ءتيىس. ەگەر سەنات مۇشەلەرىنىڭ ۇشتەن ەكى بولىگى يمپيچمەنتتى قولداپ داۋىس بەرسە، وندا تراپم كەتەدى. ەگەر ودان از بولسا، ول ءوز قىزمەتىن جالعاستىرادى. مۇندا ايتا كەتكەن ءجون، سەنات مۇشەلەرىنىڭ اراسىندا رەسپۋبليكالىقتار سانى باسىم. سوندىقتان ۇشتەن ەكى بولىگى يمپيچمەنتتى قولداۋى قيىنداۋ" دەپ اتاپ ءوتتى جالعاس ءورىسباي.
وسىلايشا، ترامپ اقش تاريحىنداعى يمپيچمەنت جاريالانعان ءۇشىنشى پرەزيدەنت اتانىپ وتىر.
پىكىر قالدىرۋ