قازاقستاننىڭ سىرتقى ىستەر ءمينيسترى مۇحتار تىلەۋبەردى ەلدىڭ رەسەيدەگى ەلشىلىگىن باسقارعان يمانعالي تاسماعامبەتوۆتىڭ قىزمەتىنەن ءوز ەركىمەن كەتكەنىن ايتتى. بۇل تۋرالى تىلەۋبەردى بۇگىن، 19 جەلتوقساندا جۋرناليستەرگە بەرەگەن سۇحباتىندا مالىمدەدى.
"ول ءوز ەركىمەن جانە زەينەت جاسىنا تولعاندىقتان كەتتى. مەنىڭ ءتۇسىنۋىم بويىنشا، ول ەندى سىرتقى ىستەر مينيسترلىگى سالاسىندا قالمايدى"– دەدى تىلەۋبەردى.
كەشە، 18 جەلتوقساندا قازاقستان پرەزيدەنتى قاسىم-جومارت توقايەۆتىڭ جارىلىعىمەن ەلدىڭ رەسەيدەگى ەلشىسى يمانعالي تاسماعامبەتوۆ قىزمەتىنەن بوستىلعان. اقوردانىڭ رەسمي سايتىنا شىققان توقايەۆتىڭ جارلىعىندا تاسماعامبەتوۆتىڭ زەينەت جاسىنا تولۋىنا بايلانىستى قىزمەتىنەن بوساتىلعانى ايتىلدى.
تاسماعامبەتوۆ وسى جىلدىڭ 9 جەلتوقسانىندا زەينەت جاسى - 63-كە تولعان. ول قازاقستان تاۋەلسىزدىك العان جىلدان بەرى جوعارى بيلىكتەگى لاۋازىمدى قىزمەتتەردى اتقاردى. ول قازاقستاندى 30 جىلعا جۋىق باسقارعان نۇرسۇلتان نازاربايەۆتىڭ جارلىعىمەن ءۇش رەت پرەمەر-مينيستردىڭ ورىنباسارى بولىپ تاعايىندالعان، ءبىر رەت قازاقستاننىڭ پرەمەر-مينيسترى بولعان. سونىمەن قاتار تاسماعانبەتوۆ نۇر-سۇلتان جانە الماتى قالالارىن، اتىراۋ وبلىسىن باسقارعان. پرەزيدەنت اكىمشىلىگىندە باسشى بولىپ، مەملەكەتتىك حاتشى قىزمەتىن دە اتقارعان. ەكى جىل قورعانىس مينيسترلىگىن باسقارعان. 2017 جىلدان بەرى ەلشىلىك قىزمەتتە بولدى.
2006 جىلى تاسماعامبەتوۆ الماتى قالاسىندا اكىم بولعان تۇرعان كەزدە "شاڭىراق" وقيعاسى ورىن الدى.
پىكىر قالدىرۋ