وتىنىشتەر مەن قۇجاتتار almaty-jastary.kz سايتى ارقىلى 29 جەلتوقسانعا دەيىن قابىلدانادى.

اۆتوريزاسيا سايتتا ەلەكتروندىق سيفرلىق قولتاڭبا (ەسق) ارقىلى جۇرگىزىلەدى. ونى "ازاماتتارعا ارنالعان ۇكىمەت" مەملەكەتتىك كورپوراسياسى" كەاق-تان (حقكو) الۋعا بولادى.

ەكىنشى پۋل بويىنشا الاتاۋ اۋدانىنداعى 546 پاتەر بەرىلمەك. جالداۋ مەرزىمى – 5 جىل. 

باعدارلاماعا قاتىسۋ ءۇشىن قويىلاتىن نەگىزگى تالاپتار تومەندەگىدەي:

– 29 جاسقا تولماعان ورتا نەمەسە جوعارى ءبىلىمى بار جۇمىس ىستەيتىن جاستار؛

– سوڭعى ەكى جىلدا الماتى قالاسىندا تىركەۋدە تۇرعان ازاماتتار؛

– ءوتىنىش بەرۋشى مەن وتباسى مۇشەلەرىنىڭ اتىندا باسپانا بولماۋى ءتيىس؛

– سوڭعى التى ايدا 101 مىڭ تەڭگەدەن كەم ەمەس جالاقىسىنىڭ بولۋى؛

– بانكتە جيناق شوتتىڭ بولۋى.

ءوتىنىش بەرۋشىلەردىڭ ءتىزىمى ۇپاي جۇيەسىن (ەڭ كوپۇپاي سانى بويىنشا) ەسەپكە الۋمەن جاسالادى. ۇپايلاردىڭ بەرىلۋ كريتەرييلەرى، سونداي-اق، قاجەتتى قۇجاتتار ءتىزىمى جوعارىدا كورسەتىلگەن سايتتا ورنالاستىرىلعان.