بەلگىلى بولعانداي، مۇنداي شەشىم كەزەكتى كونگرەستە شىعارىلعان. وعان الەمنىڭ 27 ەلىنەن قازاق كۇرەسى سپورتىنىڭ وكىلدەرى قاتىسقان. جيىنىڭ كۇن تارتىبىندەگى باستى ماسەلە دە  فەدەراسيا باسشىسىن سايلاۋ.

ناتيجەسىندە، وتىزعا تارتا مەملەكەت وكىلىنىڭ ءبىر اۋىزدان بەرگەن داۋىسىمەن اتالعان ۇيىم پرەزيدەنتى بولىپ اليك شپەكبايەۆ تاعايىندالدى. ال فەدەراسيانىڭ «قۇرمەتتى پرەزيدەنتى» رەتىندە دوسحان جولجاقسىنوۆ، ءبىرىنشى ۆيسە-پرەزيدەنتى رەتىندە بادەلحان كامالحان ۇلى سايلاندى.

وسىلايشا، ءوزىنىڭ ەڭبەك جولىن اۋىلدا قاراپايىم سلەسار بولىپ باستاعان، سوڭعى ۋاقىت ەنشىسىندە قازاقستانداعى جەمساۋى جۋان توپپەن كۇرەسىپ كەلگەن ا. شپەكبايەۆ ەندى دۇنيەجۇزىلىك قازاق كۇرەسىنە باسشىلىق ەتپەكشى.

اتاپ وتەيىك، اليك شپەكبايەۆ 1987 جىلى كسرو ءىىم قاراعاندى جوعارى مەكتەبىن، 1993 جىلى رف ءىىم اكادەمياسىن بىتىرگەن. زاڭ عىلىمدارىنىڭ كانديداتى. ءوزىنىڭ ەڭبەك جولىن الماتى وبلىسى بويىنشا كامەنكا اۋىلىندا سلەسار بولىپ باستاعان. قاسكەلەڭ اۋداندىق ءىىب كامەنكا اۋىلدىق ميليسيا ءبولىمىنىڭ باستىعى، الماتى وبلىسى بويىنشا ءىىب باستىعى قىزمەتتەرىن اتقارعان. 2003-2008 جىلدار ارالىعىندا قازاقستان رەسپۋبليكاسىنىڭ ىشكى ىستەر ۆيسە-مينيسترى بولدى. 2014-2015 جىلدارى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى ءتوراعاسىنىڭ ورىنباسارى قىزمەتىن اتقاردى. 2017 جىلدان بەرى اگەنتتىكتىڭ ءتوراعاسى بولدى.