كانادانىڭ تورونتو قالاسىندا بولعان وقىس وقيعادان ەكى وقۋشى قازا تاۋىپ، بىرەۋى جاراقات الدى. جەرگىلىكتى بيلىكتىڭ حابارلاۋىنشا، زارداپ شەككەندەردىڭ ءبىرى قازاقستاندىق. سونداي-اق 3 ازامات تا تورونتو قالاسىنداعى Centennial College-دە وقىعان.
"جول اپاتىنان زارداپ شەككەندەردىڭ بارلىعى شەتەلدىك ستۋدەنتتەر. ولار دەمالىس كەزىندە "پرگرەسس" كومپۋسىندا بولعان"، - دەپ مالىمدەدى Centennial Collegeء-نىڭ ۆيسە-پرەزيدەنتى مەريلين حەري.
جول اپاتىنان زارداپ شەككەندەردىڭ ەكەۋى قىتايدان كەلگەن اعايىندى ەكەنى بەلگىلى بولدى. ءۇشىنشىسى – 19 جاستاعى قازاقستاندىق دامير قۇسايىن.
قازاقستاندىق پەن قىتايلىق قازا تاپتى. 20 جاستاعى تاعى ءبىر جۇڭگو ازاماتى اۋرۋحاناعا جەتكىزىلدى. ونىڭ جاعدايى تىم اۋىر.
جەرگىلىكتى پوليسيا قىزمەتكەرلەرىنىڭ ايتۋى بويىنشا، ستۋدەنتتەردى جاياۋ جۇرگىنشىلەر جولىنان ءوتىپ بارا جاتقاندا كولىك قاعىپ كەتكەن. كولىك جۇرگىزۋشىسى جوعارى جىلدامدىقپەن جۇرگەندىكتەن، كولىكتى باسقارا الماي قالعان. 40 جاستاعى ازامات ۇستالدى.
پىكىر قالدىرۋ