بۇل تۋرالى «Nur Otan» پارتياسى ءتوراعاسىنىڭ ءبىرىنشى ورىنباسارى باۋىرجان بايبەك تۆيتتەردەگى پاراقشاسىندا جازدى.

"پارتيا ليدەرى ن.ءا. نازاربايەۆتىڭ كەلىسىمىمەن ارمان قىرىقبايەۆ «Nur Otan»-نىڭ حاتشىسى بولىپ تاعايىندالدى. ونىڭ پارتياداعى، سونداي-اق ورتالىق جانە جەرگىلىكتى مەملەكەتتىك ورگاندارداعى مول جۇمىس تاجىريبەسى الداعى مىندەتتەردى تابىستى ىسكە اسىرۋىنا مۇمكىندىك بەرەتىنىنە سەنىمدىمىن" دەلىنگەن جازبادا.

ول جاڭا لاۋازىمدا قوعامدىق-ساياسي باعىتقا، قوعامدىق ساياسات ينستيتۋتىنىڭ، "جاس وتان" جاستار قاناتىنىڭ جۇمىسىنا، ساراپشىلار قاۋىمىمەن بايلانىسقا جاۋاپتى بولماق.

ارمان قىرىقبايەۆ ءار جىلدارى الماتى قالاسى مەدەۋ اۋدانى اكىمىنىڭ ورىنباسارى، مادەنيەت كوميتەتىنىڭ ءتوراعاسى، قاراعاندى وبلىسى اكىمىنىڭ ورىنباسارى، ق ر مادەنيەت جانە اقپارات ۆيسە-مينيسترى، "ەگەمەن قازاقستان"، "كازاحستانسكايا پراۆدا"، "قازاقفيلم" اق، "Nur Media" ءجشس-نىڭ ديرەكتورلار كەڭەسىنىڭ ءتوراعاسى، 2015-2019 جىلدارى الماتى قالاسى اكىمىنىڭ ورىنباسارى قىزمەتتەرىن اتقارعان.