الماتى قالاسى ماڭىندا ۇشاق اپاتىنان قازا تاپقانداردىڭ سانى 12 ادامعا جەتتى. بۇل تۋرالى ورتالىق كوممۋنيكاسيالار قىزمەتىنىڭ رەسمي وكىلى الىبەك ءابدىلوۆ ايتتى.
ءادىلوۆتىڭ ايتۋىنشا، اپات بولعان ماڭدا جۇمىس ىستەپ جاتقان جەدەل شتاب وكىلدەرى قازا تاپقاندار سانىنىڭ كوبەيگەنىن ايتقان.
- وكىنىشكە قاراي قازىرگى ۋاقىتتا قازا تاپقانداردىڭ سانى 12 ادامعا جەتتى. مۇنداي اقپاراتتا جەدەل شتاب وكىلدەرى بەردى، - دەدى ول.
بۇعان دەيىن قازاقستاننىڭ توتەنشە جاعدايلار كوميتەتى "9 ادام قازا تاپتى. جاراقات العانداردىڭ سانى 9 ادام، ونىڭ التاۋى — بالالار" دەگەن اقپارت تاراتقان بولاتان.
جۇما كۇنى تاڭعى ۋاقىتتا الماتىدان نۇر-سۇلتان قالاسىنا ۇشىپ شىققان ۇشاق راداردان جوعالىپ كەتكەنى حابارلانعان. اۋەجاي باسپا ءسوز قىزمەتىنىڭ مالىمەتىنشە، الماتىدان نۇر-سۇلتان قالاسىنا 2100 رەيسىمەن 07:05-تە ۇشىپ، راداردان جوعالىپ كەتكەن «Bek Air» اۋە كومپانياسىنىڭ ۇشاعىنىڭ بورتىندا 95 جولاۋشى جانە 5 ەكيپاج مۇشەسى بولعان.
پىكىر قالدىرۋ